web counter
LEXO PA REKLAMA!

SHKARKO APP

App Store
Google Play

E fundit!

x

Vijon numërimi/ Ja rezultatet në këto 8 bashki

1 Korrik 2019, 08:55, Aktualitet CNA

Pritet të dalin së shpejti rezultatet edhe në bashkitë e Cërrikut, Bidrës, Dropullit, Klosit, Këlzyrës, Maliq, Mat, Mirditë.

Në Cërrik janë numëruar 59 nga 60 kuti, ndërsa kryeson kandidati i PS Andis Salla me 6376 vota, 94,32 %.  Në bashkinë e Dibrës kryeson kandidati i PS Dionis Imeraj me 12824 vota, 83,42 % ndërsa janë numëruar 116 nga 188 kuti.

Në Dropull janë numëruar 37 nga 40 kuti, ndërsa i vetmi kandidat për këtë bashki është Dhimitraq Toli me 2246 vota ndërsa në Klos, deri tani, janë numëruar 31 nga 32 kuti, por edhe në këtë bashki kryeson kandidati i PS Ilmi Hoxha me 3504 vota me 67,62 % ndërsa rivali i tij Bedri Hoxha, i cili kandidon i pavarur ka marrë 1678 vota, 32,38 %.

Në bashkinë e Këlcyrës janë nëmëruar 20 nga 21 kuti ndërsa kryeson Klement Ndoni i PS me 2222 vota, 85,59 % ndërsa rivali i tij Shkëlqim Muhaj ka marrë 284 vota, 10, 32 % dhe Hazbi Kasaj me 106 vota, 4,08 %.

Në Maliq ka vetëm një kandidat të PS dhe ai ka marrë deri tani 13273 vota ndërsa janë hapur 78 nga 81 kuti votimi. Në bashkinë e Matit, kandidati i vetëm Agron Malaj nga PS ka marrë deri tani 7921 vota ndërsa janë numëruar 53 nga 54 kuti.

Në bashkinë e Mirditës janë numëruar 62 nga 64 kuti ku kryeson Ndrec Dedaj i PS me 5141 vota, 93,93 % në krahasim me kandidatin Gjon Ndoj i cili është kandidat i pavarur, me 332 me 6,07 %./CNA.al





Lajmet e fundit nga