E fundit!

21:02 Aktualitet

Vrasja e efektivit/ Klodiana Lala: Duhet hetim i thelluar, kemi një dëshmor por asnjë dorëheqje

Gazetarja Klodiana Lala ka deklaruar se duhet një hetim i ...

Edi Rama nuk i fitoi zgjedhjet/ Basha i dhuroi 61 bashki në tavolinë

1 Korrik 2019, 05:06, Aktualitet CNA

Kreu i LDE-së, Arian Galdini deklaron se Edi Rama nuk i fitoi zgjedhjet, por ia dhuroi PD-ja në tavolën, me vendimin e saj për bojkot.

Në një postim në rrjetet sociale, Galdini thekson se Që Edi Rama është i refuzuari i madh nga shqiptarët, këtë e dimë të gjithë dhe sipas tij ai asnjëherë nuk ka fituar një palë zgjedhje në Shqipëri.

?E fundit për sot…

Që Edi Rama është i refuzuari i madh nga shqiptarët, këtë e dimë të gjithë.

Edi Rama kurrë nuk ka fituar dot asnjë palë zgjedhje në Shqipëri.

Në 2013 nuk fitoi me votat e shqiptarëve, por me votat e Ilir Metës.

E njëjta në 2015.

Në 2017, nuk fitoi me votat e shqiptarëve, por me votat e Marrëveshjes së 17 – 18 majit me Bashën.

Sot ai nuk i fitoi prapë zgjedhjet.

Sot ai fitoi 61 Bashki në Tavolinë, të dhuruara nga dritëshkurtësia dhe dështimi i Opozitës.?-shkruan Galdini.

Më tej, ai drejton edhe disa pyetje, ndërsa shkruan ?Tani, a ka njeri që ma shpjegon dot, përse qenkërka sukses BOJKOTIMI dhe refuzimi masiv i shqiptarëve ndaj Ramës, kur në fakt këtij njeriut të urryer sapo iu dhuruan 61 Bashki në Tavolinë?

Pse duhej të shpenzonim 6 muaj revolucion ne epruvetë, për të thënë se Edi Ramën nuk e duan shqiptarët?

Ne e dinim gjithmonë se Edi Rama është Kryeministri më Jopopullor dhe më Antipopullor që ka pasur historia e Shqipërisë.

Pse duhet të shpallim fitore ne, mbërritjen në një konkluzion që e dinim që në krye të herës?

A nuk do të kishte qenë më mirë ta mundnim në zgjedhje duke fituar ne opozita shumicën e Bashkive?

Pse duhej ti dhuronim 61 Bashki në tavolinë, për të zbuluar atë që ne e dinim, pra që shqiptarët nuk e duan Edi Ramën?

Apo ne jemi njësha për të shpallur fitore dështimet dhe talente për ti kthyer revolucionet në paketa turistike??.

Në fund Arian Galdini ka edhe një mesazh të fortë, ku shprehet fitoren me bojkot do e shijoni fort pas pak javësh, kur të ftilloheni pas plazhit.

?Kot, kot pyes, se në këtë vend nuk e duan të vërtetën…

E di që edhe pas këtij statusi do më turren me dhjetra inboxista anonimë duke më sharë mua e duke më quajtur mua mercenar, të shitur tek Edi Rama, komunist, etj, etj…

Jepini më shani mua që ju them të vërtetën.

Se fitoren me bojkot do e shijoni fort pas pak javësh, kur të ftilloheni pas plazhit…?-përfundon postimin e tij Arian Galdini.