web counter
LEXO PA REKLAMA!

SHKARKO APP

App Store
Google Play

Ekzekutoi babë e bir/ Arrestohet 28 vjeçari

1 Korrik 2019, 14:37, Aktualitet CNA

Policia e Shtetit në bashkëpunim me policinë italiane në vijim të operacionit koduar ?Krasta? ka bërë me dije arrestimin e shtetasit Etjen Cani nga ayutoritetet italiane i cili dyshohet për një vrasje të dyfishtë.

Cani dyshohet si autor i vrasjes së Gentian Beqirit dhe babait të tij N.Beqiri të cilët u ekzekutuan në qytetin e elbasanit 7 vite më parë.

28 vjeçari i dyshuar si autor i kësaj ngjarje pritet të ekstradohet për llogari të autoriteteve shqiptare të cilët kanë edhe një vendim gjykate për të.

Njoftimi i plotë:

Policia e Shtetit

Vijon operacioni policor ?KRASTA?

Kapet në Itali, autori i dyshuar i vrasjes, kryer në bashkëpunim, të dy shtetasve babë e bir, ndodhur në vitin 2012 në Elbasan.

Gjatë paradites së sotme, si rezultat i bashkëpunimit të Task-Forcës Speciale, në Departamentin e Policisë Kriminale, DVP Elbasan, Interpol Tiranës me Zyrën Ndërlidhëse të Oficerëve Italianë në vendin tonë dhe me Interpol Romën, u bë i mundur arrestimi në Rimini të Italisë, i shtetasit shqiptar në kërkim ndërkombëtar:

Ky shtetas ishte shpallur në kërkim ndërkombëtar pasi Gjykata e Rrethit Gjyqësor Elbasan, me vendim penal nr. 480, datë 12.06.2019, ka vendosur masën e sigurisë ?Arrest në burg? për veprat penale ?Vrasja në rrethana të tjera cilësuese? dhe ?Mbajtja pa leje e armëve të zjarrit dhe municioneve luftarake?, në lidhje me vrasjen e shtetasit G. B., (alias A. M.,) dhe të babait të tij shtetasit N. B., ngjarje e ndodhur më datë 15.08.2012 në lagjen ?Çlirimi? Elbasan.

Task – Forca Speciale kishte marrë informacione në rrugë operative, se ky shtetas fshihej në Itali dhe falë shkëmbimit në kohë reale të informacionit mes Interpol Tirana dhe Interpol Romës, si dhe Zyrës Ndërlidhëse të Oficerëve Italianë në vendin tonë, paraditen e sotme u bë e mundur kapja e tij, me qëllim ekstradimin drejt vendit tonë

Në kuadër të operacionit “Krasta”, më 14 qershor u arrestuan dhe u ndaluan 10 persona, si dhe u shpallen në kërkim 5 shtetas të tjerë, ndër ta edhe shtetasi i kapur sot në Itali.

Operacioni “Krasta” vijon./CNA.al





Lajmet e fundit nga