web counter
LEXO PA REKLAMA!

SHKARKO APP

App Store
Google Play

Procedimi ndaj kryebashkiakëve të PD / Kërcënon Bardhi: Deri më tani jemi vetëpërmbajtur

26 Qershor 2019, 15:23, Aktualitet CNA

Sekretari i Përgjithshëm i PD-së, Gazment Bardhi, në një konferencë për mediat, ka reaguar ashpër ndaj procedimit penal të dy kryebashkiakëve të djathtë për qëndrimet e tyre kundër zgjedhjeve.

Bardhi e ka quajtur procedimin e kryebashkiakut të Lezhës dhe të Mallakstrës një provokim të pastër.

?Paligjshmërisë së 30 qershorit Edi Rama po i shton alternativën e dënimit të kundërshtarëve politik. Kushdo që nuk mendon si ai procedohet penalisht. Procedimi i krybeshkiakut të Lezhës, Fran Frrokaj, dhe kryebashkiakut të Mallakastërs, Arben Kapllanaj, është një provokim politik i Edi Ramës?, ka thenë Bardhi

Sipas tij: PD, deri më tani, ka treguar vetëpërmbajtje dhe nuk ka rënë pre e provokimeve.

?PD ka provuar, deri më tani, vetëpërmbajte. PD nuk ka rënë pre e provokimeve të Edi Ramës. Kryebashkiakët e opozitës nuk i tremb asnjë person, sepse janë në mbrojtje të ligjit. Në 30 Qershor nuk ka zgjedhje ligjërisht. Për aktet e tij të procedimit të perfaqësuesve të opozitës do të mbajë përgjegjësi,? shtoi në vijim Gazmend Bardhi, duke parathenë se Edi Rama do të përfundojë në burg dhe opozita nuk do të bëjë asnjë hap pas.

?Të burgosurit që mbahen në qeli si të burgosur politik do të trajtohen si të tillë dhe do të marrinë atë çka u takon. Vendin e tyre në burg do ta zenë të bindurit e Ramës, me uniform apo pa uniform, dhe Edi Rama e Vangjush Dako. Opozita nuk do të bëjë asnjë hap pas?,-theksoi Gazment Bardhi./CNA.al





Lajmet e fundit nga