web counter
LEXO PA REKLAMA!

SHKARKO APP

App Store
Google Play

Korrigjimi i provimeve/ Ja si Besa Shahini masakroi maturën shtetërore

26 Qershor 2019, 16:23, Aktualitet CNA

Mbrëmjen e djeshme kanë dalë notat e provimit të Letërsisë për maturantët në vend.

Mirëpo ka pasur shumë denoncime për mosvlerësimin siç duhet të nxënësve të klasave të 12-ta të cilët në tetor do të mbushin bankat e universiteteve.

CNA.al ka mësuar se vetëm 22 maturantë në qytetin e Tiranës kanë marrë notën 10. Më konkretisht 5 nxënës nga Gjimnazi “Ismail Qemali”, 2 nga “Qemal Stafa”, 9 nga “Petro Nini”, 5 nga “Sami Frashëri” dhe një nga “New York”.

Ndërkohë janë vlerësuar me notën 4 ose e thënë ndryshe nuk kanë mundur ta kalojnë provimin e letërsisë rreth 1868 maturantë që është një shifër shumë e lartë.

Të gjithë nxënësit e dhjetës janë vlerësuar me notën 8 dhe kjo për shkak të tre pyetjeve të cilat kanë qenë jashtë programit në provimin e maturës.

Ndërsa burime për CNA.al thonë se 22 maturantët që janë vlerësuar me notën 10 e kanë pasur paraprakisht tezën e letërsisë dhe nëse hetohen emrat arrihet lehtë tek lidhja e tyre me Drejtorinë Arsimore.

Por shqetësues është numri i nxënësve që nuk e kanë kaluar provimin. Plot 1868 maturantë që për tekat e ministres së Arsimit dhe Reformës së kryeministrit Edi Rama në arsimin e mesëm rrezikojnë universitetin vitin e ardhshëm shkollor.

Ministrja e Arsimit, e cila është shtetase kosovare Besa Shahini që nuk ka marrë asnjë notë vlerësimi në gjuhë shqipe bën eksperimente me maturantët e Shqipërisë, ka masakruar maturën shtetërore duke shkatërruar edhe ëndrrat e mijëra të rinjëve./CNA.al





Lajmet e fundit nga