web counter
LEXO PA REKLAMA!

SHKARKO APP

App Store
Google Play

E fundit!

x

Trump dhe Merkel lënë Bashën me “gisht në gojë”

28 Maj 2019, 10:58, Aktualitet CNA

Kryetari i Republikës së re, Lulzim Basha disa muaj më parë, deklaronte se nuk e kishte problem ta rrëzonte kryeministrin Rama nga pushteti, por sipas tij problemi ishte se do e merrnin në telefon kancelarja gjermane Angela Merkel dhe presidenti i SHBA, Donald Trump e do i thonin se e more pushtetin me dhunë.

Nga studio e emisionit të Paekspozuarit, në 27 shtator 2018, Lulzim Basha tha se ?Po të bëj thirrje për të rrëzuar Ramën me dhunë është grusht shteti. Po të dalë populli atje, është forca e sovranit. Unë se kam problem që të thërras që nesër 10 mijë militantë dhe e rrëzoj Ramën, por çfarë ndodh. Del Trumpi, Merkeli dhe thonë që Basha e mori pushtetin me dhunë. Por nëse del vetë populli, atëherë ata i thonë Ramës largohu nga zyra sepse e kërkon populli?.

Por, çfarë ndodhi më pas.

Lul perëndimori, sikurse e cilëson veten kreu i Republikës së re, ai që kishte frikë se do e merrnin në telefon Trump dhe Merkel, pas protestës së 16 shkurtit, u bë radikal. Përkundër thirrjeve të ndërkombëtarëve vendosi të djegë mandatet e deputetëve.

I gjithë faktori ndërkombëtar, veçanërisht amerikanët janë shprehur kundër veprimeve ekstreme të Lulzim Bashës, por ky i fundit tashmë ngre tonet e thotë se ?nuk pranoj kurrë për popullin tim, atë që nuk do ta pranonit për popullin tuaj?.

Në fakt Bashës nuk është se po i digjet barku shumë për hallet e popullit dhe këtë e ka treguar me fakte, jo pak herë, por kjo është një temë tjetër.

Çështja është se Basha tjetër bën e tjetër thotë. Që prej 16 shkurtit ka zhvilluar gjashtë protesta kombëtare, ku pesë prej tyre kanë qënë të dhunshme. Për më tepër bllokoi edhe akset kryesore rrugore në vend disa herë, duke deklaruar edhe mosbindje civile.

Lulzim Basha, personi që disa muaj më parë deklaronte se nuk do pushtet me dhunë, tashmë kërkon rrëzimin e Ramës me çdo kusht.

Por, gjatë kësaj kohë ka ndodhur çudia. Lulzim Basha ka mbetur mjaft i zhgënjyer, se edhe pse zhvilloi protesta të dhunshme, edhe pse desh i vuri flakën Kryeministrisë, edhe pse bllokoi rrugët, as Trump dhe as Merkel nuk janë kujtuar ta marrin në telefon dhe tani ka ngel me ?gisht në gojë?.

Prandaj, Lulzim Basha bën mirë që herë tjetër t?i mendojë mirë ato që nxjerr nga goja, ose të paktën mos të bëjë sikur e ka lënë kujtesa dhe të kujtohet se çfarë ka thënë, e çfarë po bën./ CNA.al

Rrëzimi me dhunë i Ramës?/ Basha zbulon arsyen pse nuk i mbledh qytetarët

Nuk mbajnë dot të qeshurën/ Analistët tallen me Bashën

Për revolucionin: Mos e merrni Lul Bashën në telefon/ Një lutje presidentit Trump dhe kancelares Merkel

 





Lajmet e fundit nga