E fundit!

09:46 Aktualitet

Fotolajm/ Vip-at e paguar nga Veliaj që protestojnë kundër Ramës

Një pjesë e personazheve publikë, të ashtuquajturit “VIP”-...

Reforma në Drejtësi/ Ish-ministri i Ramës zbardh prapaskenat

28 Maj 2019, 08:36, Aktualitet CNA

Ish-ministri i drejtësisë në qeverinë ?Rama 1?, Ylli Manjani, ka reaguar sërish sot me një shkrim lidhur me Reformën në Drejtësi.

Manjani shkruan se Reforma në Drejtësi ka qenë dhe mbetet ?një ndërhyrje brutale mbi personelin e gjykatave dhe prokurive.?

Sipas Manjanit thjesht janë hequr disa njerëz për të sjelë aty ca të tjerë, pra këto lëvizje nuk janë bërë për të sjellë persona me figurë më të pastër apo me kapacitet më të lartë por vetëm për të vendosur njerëz të cilët i shërbejnë pushtetit. Manjani shton,ndër të tjera, se në vend që të përmirësohej cilësia e burimeve njerëzore në këto institucione, në fakt ka ndodhur e kundërta, është përkeqësuar.

?Vihet re qartazi një përkeqësim në të gjitha treguesit e hetimit e gjykimit. Aq keq ka shkuar kjo punë saqë, policia tashmë ëahtë mbi Prokurorinë; gjykatat i zëvendëson portali (platformë e paligjshme kjo) Shqipëria që Duam; qeveria është dukshëm dominuese bërjen e zhbërjen e ligjeve; për barazi para ligjit as bëhet fjalë.? ka shkruar Manjani në postimin e tij në rrjetet sociale.

Postimi i plotë i Ylli Manjanit

Që reforma në drejtësi ishte dhe mbetet një ndërhyrje brutale mbi personelin e gjykatave dhe prokurive, ska më asnjë dyshim.

Dmth, u synua heqja e ca njerëzve për të krijuar vende bosh për të tjerë. Ky ishte qëllimi.

Asgjë racionale që përmirëson drejtësinë, shpejtësinë e gjykimit, transparencën, aksesin në drejtësi apo rregulla të tjera procedurale nuk u bë.

Përkundrazi vihet re qartazi një përkeqësim në të gjitha treguesit e hetimit e gjykimit. Aq keq ka shkuar kjo punë saqë, policia tashmë ëahtë mbi Prokurorinë; gjykatat i zëvendëson portali (platformë e paligjshme kjo) Shqipëria që Duam; qeveria është dukshëm dominuese bërjen e zhbërjen e ligjeve; për barazi para ligjit as bëhet fjalë.

Sepse nuk u reformua sistemi, por u ndëshkuan (ende vijon) njerëzit. Pisllëk i përsëritur ky që prej vitit 1993, kur me kurse 6 mujore u zëvendësuan juristë profesionistë.

Nuk kam dashur asnjëherë të merrem me persona, sepse mbetem besnik i parimit sistemi i rregullave është më i rëndësishëm.

Por, nuk mund ta injorojmë pafundësisht realitetin ku gjendet i gjithë pushteti gjyqsor i cili nuk ka qenë kurrë 100% i pavarur, por tashmë është i varur fare.

Kjo varësi ekstreme nga politika, këtë herë ka ardhur për shkak të proçesit të keqzbatuar të Vetting.

I keqzbatuar si në parim ashtu edhe rast pas rasti.

Vendimmarrja e strukturave të vetting është qartësisht abuzive, jo e drejtë dhe i pabarabartë.

Pjesë e problemit mbetet pyetja kush po vetton gjykatësit?

Në krye të herës jam munduar të denoncoj (pa emra natyrisht) konfliktin e interesit që kanë disa të përzgjedhur në këto struktura.

Pra njerëz që kanë hak për të marrë ndaj gjykatësve e prokurorëve, të cilët kanë patur në dorë çështje gjyqsore të këtyre personave që janë sot vettuesit.

Në strukturën e vetting, ka njerëz që kanë qenë të pandehur ose kanë patur çështje gjyqsore për të cilat do marrin hak!!!

Ka gjithashtu njerëz që nuk e meritonin të ishin aty sepse nuk plotesonin kriteret ligjore. Ka persona që kanë qenë gjykatës dhe janë larguar nga gjyqsori me.masa displinore, ashtu siç ka persona që kanë refuzuar vendimmarrjen e KLD.

Këto persona nuk mund të ishin e as janë të duhurit për të vendosur për fatin e gjykatësve e prokurorëve.

Më këto persona vulnerabël puashteti bën ça të dojë, siç në fakt po bën.

Ndaj ska se si të ketë drejtësi të pavarur.

Le pastaj përbërja e KLGJ dhe KLP, personat që u zgjodhën nga Parlamenti fët e fët janë në shumicën e tyre me kritere të mangëta ligjore.

Ndaj nuk është rastësi zbulimi që bën media për anëtarë të veçantë që skanë bëra as shkollën e mesme, por janë në krye të pushtetit të drejtësisë

Për disa madje nuk dha dakortësi as ONM.

Përfundimisht as reformën e personelit nuk e bënë ashtu siç duhet.

Ama janë pro reformës, si të gjithë të pafytyrët e kësaj bote…/CNA.al