web counter
LEXO PA REKLAMA!

SHKARKO APP

App Store
Google Play

E fundit!

x

Ngec në Vetting/ KPK i “pret” kokën kryegjyqtarit   

28 Maj 2019, 07:44, Aktualitet CNA

Komisioni i Pavarur i Kualifikimit ka vendosur shkarkimin nga detyra të kreut të Gjykatës së Fierit, Roland Jaupaj.

Roland Jaupaj u përball me probleme të pasurisë gjatë seancës dëgjimore të hënën në Komisionin e Pavarur të Kualifikimit, ku u identifikua një konflikt i mundshëm interesi në blerjen e një apartamenti nga prindërit e tij dhe paqartësi në përfitimin e 13 mijë eurove nga bashkëshortja në ndërmjetësimin për blerjen e një shtëpie.

Sipas raportit të ILDKPKI, gjyqtari Jaupaj nuk ka kryer deklarim të saktë, por ka burime të ligjshme dhe nuk ka kryer fshehje pasurie dhe nuk është në kushtet e konfliktit të interesit.

Por hetimi i thelluar i Komisionit të Pavarur të Kualifikimit duket se ka arritur në konkluzione të ndryshme, dhe ka marrë vendimin për shkarkimin e tij nga detyra.

KPK konstatoi se Jaupaj kishte blerë një apartament 170 m2 tek firma të cilës i kishte dhënë me gjyq leje ndërtimi.

Japupaj nuk ishte i pranishëm në seancën e vendimit si një ditë më parë kur u njoh me rezultatet e hetimit, ndërsa veç apartamentit atij i rezultoi probleme edhe një shumë prej 13.000 euro të disponuara nga bashkëshortja.

KPK nga hetimet zbuloi se këto para ishin të pajustifikuara pasi ishin fituar nga gruaja e gjyqtarit me një kontratë që ajo kishte me tezen e saj për shitjen e një prone.

CNA.al ka zbardhur më parë pasurinë e Roland Jaupajt, i cili rezulton me një numër të madh llogarish bankare në emër të tij dhe bashkëshortes.

Për më tepër linku më poshtë:

Një ?Don Zhuan? në krye të Gjykatës së Fierit?/ Roland Jaupaj ?noton? në pasuri





Lajmet e fundit nga