web counter
LEXO PA REKLAMA!

SHKARKO APP

App Store
Google Play

E fundit!

x

Plagosi të riun në Sauk/ Vetëdorëzohet studenti i Akademisë së Sigurisë

28 Maj 2019, 09:40, Aktualitet CNA

Një përplasje me armë zjarri ka ndodhur mëngjesin e sotëm në parkingun e një hoteli në Sauk, i cili ndodhet përballë Akademisë së Sigurisë.

Autori i plagosjes është Ndue Ndoj 25-vjeç, i cili po ndjek studimet pranë Akademisë sëSigurisë.

Ndoj është sulmuar nga tre persona të cilit ishin nga Kukësi, ndërsa janë përpjekur ta rrëmbejnë.

Fillimisht ai është thirrur nga agresorët të cilët kanë qenë brenda një automjeti të parkuar përpara hotelit ku ndodhi ngjarja. Mësohet se autori i plagosjes dhe tre personat që e kanë sulmuar njiheshin më herët me njëri-tjetin.

Njëri prej tyre ka qenë i armatosur dhe i ka vënë armën në kokë 25-vjeçarit, por në momentin kur ata kanë tentuar ta marrin me forcë, Ndoj ka bërë rezistencë duke i marrë edhe armën nga dora. Pas konfrontimit, ai ka plagosur Ervis Muratin 27-vjeç.

Murati është qëlluar në pjesën e barkut dhe është dërguar në spitalin e Traumës. Policia është vënë në kërkim të dy agresorëve të tjerë të cilët janë larguar nga vendngjarja.

Ndue Ndoj, 25-vjeçari i cili plagosi me armë zjarri Ervis Muratin, një nga agresorët të cilët u përpoqën ta rrëmbenin mëngjesin e sotëm, është dorëzuar në Komisariatin numër 1 në Tiranë. /CNA.al





Lajmet e fundit nga