web counter
LEXO PA REKLAMA!

SHKARKO APP

App Store
Google Play

E fundit!

x

Balla takon zyrtarin e OSBE/ "Afati zgjedhor, i panegociueshëm"

28 Maj 2019, 10:36, Aktualitet CNA

Kreu i gruoit parlamentar të PS-së, Taulant Balla, ka tauar sot kryetarin e Zyrës Ndërlidhëse të Asamblesë Parlamentare të OSBE-së në Vjenë, Andrea Nothele.

Takimi i tyre është bërë në Kryesinë e Kuvendit. Gjatë takimit Balla ka falenderuar ambasadorin Nothele për mbështetjen në kuadër të përgatitjeve për Presidencën e OSBE-së nga Shqipëria në vitin 2020.

Ndër të tjera Balla e ka informuar Nothele lidhur me punën e kryer nga Kuvendi i Shqipërisë në kuadër të miratimit të ligjeve të Pakëtës së Reformës në Drejtësi, ndërsa shtoi se vetëm para pak ditësh u përmbyll edhe ligji i fundit, ndër 30, i kësaj pakete. Kuvendi i Shqipërisë është plotësisht funksional, teksa ¾ e deputetëve të opozitës kanë rimarrë detyrën.

Lidhur  me zgjedhjet lokale të 30 qershorit, Balla ka thënë edhe njëherë se afati i zgjedhjeve është i panegosiueshëm.

?Zgjedhjet e 25 Majit 2017 ishin zgjedhjet më të qeta dhe të gjithëpranuara. Si kurrë më parë në historinë e zgjedhjeve në Shqipëri, të gjithë procesverbalët e çdo qendre votimi u firmosën nga të gjithë komisionerët, në total 35 mijë, gjysma prej të cilëve të opozitës, pa asnjë kontenstim të rezultatit final dhe vendimi i KQZ për shpalljen e rezultatit përfundimtar ishte 7 me 0. Për herë të parë dhe të vetme në historinë e vendit, mbarëvajtja e tyre u kontrullua nga vetë Partia Demokratike në opozitë. Ishte Lulzim Basha ai që në 2017-n kishte nën kontroll KQZ përmes Kryetarit dhe shumicës së anëtarëve, Ministrinë e Brendshme, Ministritë e Financave, Arsimit, Shëndetësisë, Drejtësisë, zv.Kryeministrin, OSSHE, ALUIZNI-n, burgjet, hipotekat dhe AZHBR-në?, tha Balla.

?Është për të ardhur keq që opozita sulmon ambasadorët apo përfaqësues të lartë të Komisionit Europian apo Parlamentit Europian, sa herë ata flasin mirë për Shqipërinë?, përfundoi Balla./CNA.al





Lajmet e fundit nga