web counter
LEXO PA REKLAMA!

SHKARKO APP

App Store
Google Play

E fundit!

x

Hetimet për vrasjen e Artan Santos/ Spartak Braho “shpëton” Arta Markun

27 Maj 2019, 10:54, Aktualitet CNA

Kryeprokurorja e Përkohshme Arta Marku ka raportuar sot para Komisionit të Ligjeve.

Por, ndërkohë që është pyetur nga deputetët në lidhje me hetimet për vrasjen e bankierit Artan Santo, ka qënë deputeti socialist Spartak Braho, ai që ka ?shpëtuar? Arta Markun.

Deputeti Lefter Maliqi e ka pyetur Markun se çfarë është bërë konkretisht me këtë dosje dhe deri ku janë hetimet për dosjet e famshme të përgjimeve për blerjen e votave, 339 dhe 184, por ka ndërhrë Spartak Braho, i cili ka deklaruar se për çështje konkrete është në të drejtën e kryeprokurores të mos japë detaje për hetimet.

Ndërkohë, për vrasjen e Santos, Marku ka thënë se ?Kjo është një çështje jashtë periudhës për të cilën po raportojmë dhe është një çështje konkrete, për të cilën unë nuk jap të dhëna konkrete?.

Lidhur me dosjet e përgjimeve, Marku deklaroi: ?Përgjimet, vazhdojnë të jenë në hetim. E kam shprehur disa herë, që aty ka problematikë, dosjet janë zvarritur, ka pasur vetëm përgjime, që nuk janë zbardhur dhe nëse nuk bëhen janë të palexueshme. Dosja 339 po hetohet nga 2 prokurorë dhe 11 oficerë, aty ka video të patranskriptuara, por do ketë vendimmarrje. Dosja 184 në të njëjtën gjendje, e regjistruar 2 vjet vetëm përgjime. Pas dy vjetëve janë regjistruar emrat e disa personave në hetim, do të ketë vendimmarrje të shpejtë?- tha ajo./ CNA.al





Lajmet e fundit nga