web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria në kaos/ Marku justifikon dështimin

27 Maj 2019, 09:50, Aktualitet CNA

Komisioni Parlamentar i Ligjeve ka zhvilluar sot një seancë dëgjimore me kryeprokuroren e Përkohshme, Arta Marku.

Në fjalën e saj para deputetëve të këtij komisioni, kryeprokurorja Marku, ndërsa ka folur në lidhje me procesin e Vettingut në Drejtësi, ka deklaruar se ky ka ndikuar negativisht mbi punën e prokurorëve.

Duke tentuar të justifikojë dështimin e organit të akuzës, Marku tha se Vettingu ka rritur pasigurinë e prokurorëv, duke ndikuar, sipas saj, në mënyrë të pashmangshme mbi punën e tyre.

“Ka qenë një vit jo i zakonshëm për të gjithë prokurorët dhe gjyqtarët.  Ka nisur procesi i vetingut. Shumë prokurorë kanë qenë gjtë gjithë kohës në korrespondencë me KPK. Janë bërë shumë shkarkime prokurorësh , kjo do të thotë që prokurorët kanë qenë pak apatikë, pasi në mënyrë të pashmangshme ky proces ka ndikur negativisht mbi ta, duke i bërë edhe të pasigurtë. Pavarësisht se të gjithë këtu kemi rënë dakord që reforma duhej dhe vetingu është i pashmangshëm pasojat janë këto.”

Sa i takon uljes së numrit të materialeve që janë trajtuar nga organi i akuzës, ku vihet re një ulje në krahasim me vitin 2017, Marku tha se në asnjë mënyrë si rënie e treguesve të punës së prokurorisë.

“Ka një ulje të lehtë të numrit total të materialeve që janë trajtuar nga prokuroria, por nuk mund të tregohet në asnjë mënyrë si rënie e treguesve të punës së prokurorisë. Porkuroria është institucion që nuk punon vetëm dhe vetëm një numër i ulët mund të jenë regjistruar me iniciativën e saj pjesët tjetër janë referime nga policia dhe institucione të ndryshme.”-deklaroi Marku./CNA.al





Lajmet e fundit nga