E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

“Model suksesi”/ Politika shqiptare uron Arba Kokalarin

27 Maj 2019, 08:48, Aktualitet CNA

Politika në Tiranë dhe në Prishtinë ka reaguar pas fitores së shqiptares, Arba Kokalari në Suedi si deputete në Parlamentin Europian.

Ndërsa e cilëson si një model suksesi, presidenti Ilir Meta në një postim në rrjetet sociale shkruan se “Arba Kokalari, shqiptarja e parë eurodeputete, i bën të lumtur të gjithë shqiptarët dhe meriton mirënjohjen e tyre, jo vetëm si model suksesi në Suedi por edhe përfaqësimi dinjitoz në Europën e Bashkuar”.

Edhe koordinatori i ‘Bindjes Demokratike’, Astrit Patozi ka reaguar përmes një postimi në rrjetet sociale, shprehet krenarë për eurodeputeten e parë shqiptare.

“Shqipëria mbërriti mbrëmë në Europë me Arba Kokalarin, shumë kohë përpara se të mbërrijë në stacion treni i lodhur dhe me qymyr, i nisur prej vitesh nga Tirana për në Bruksel. Një shenjë e qartë dhe johyjnore, se ata që e kanë vonuar tmerrësisht shumë udhëtimin tonë drejt destinacionit të kombit, veçse mund ta shtyjnë duke e penguar, por nuk mund ta ndalin dot kurrë procesin jetik të integrimit europian të shqiptarëve. Krenarë për eurodeputeten e parë shqiptare! Urimet më të mira asaj dhe familjes së nderuar Kokalari” shkruan Patozi.

Edhe kreu i PD-së, Lulzim Basha në mesazhin e tij thekson se ishte një natë historike për të gjithë shqiptarët, ndërsa shkruan se “Urova në telefon Eurodeputeten e parë shqiptare, shqiptaro-suedezen Arba Kokalari që u konfirmua pak çaste më parë si fituesja e mandatit të eurodeputetes për partinë e Moderatëve suedezë, simotrës tonë në Partinë Popullore Europiane! Natë e paharrueshme për Arbën dhe familjen e saj, natë fitore për Moderatët që konfirmuan 4 eurodeputetë dhe natë historike për të gjithë ne shqiptarët që inagurojmë me Arba Kokalarin praninë shqiptare në ulëset e Parlamentit Europian.

Krenar dhe i lumtur me fitoren e Arbës, ju shpreh mirënjohjen time të gjithë bashkatdhetarëve tanë në Suedi që me votën e tyre e mundësuan këtë moment historik! Dua po kështu t?ju falenderoj me mirënjohje në emrin tim dhe të Partisë Demokratike, të gjithë ju bashkatdhetarë të nderuar në vendet e BE që me votën tuaj për partitë simotra të PD, rikonfirmuat Partinë Popullore Europiane si forcën e parë politike në Parlamentin e ardhshëm Europian! Shqipëria Si Europa.”.

Po ashtu, edhe ish-kryeministri Berisha ka uruar Arba Kokalarin. Ndërsa ka publikuar një foto në rrjetet sociale, me eurodeputeten shqiptare, Berisha shkruan ?Nje urim te perzemert Arba Kokolarit, deputetes se pare shqiptare perfaqesuese e Suedise ne Parlamentin Europian! Sb?.

Por, urimet nuk kanë munguar edhe nga Prishtina, ku ndër të parët që e përshëndetën ishte ministri i Jashtëm i Kosovës, Behgjet Pacolli.

?Tani kemi lajme të mira nga Suedia. Sapo është konfirmuar se Arba Kokalari me prejardhje shqiptare ka siguruar vendin e saj në Bruksel. Historike, sepse është eurodeputetja e parë shqiptare ndonjëherë. Urime?.-shkruan Pacolli./ CNA.al