E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

“Humbëm një betejë, por jo luftën”/ Kreu i KSSH: Status i minatorit do realizohet

27 Maj 2019, 08:30, Aktualitet CNA

Kreu i Konfederatës së Sindikatave të Shqipërisë, Kolë Nikollaj ka premtuar se statusi i minatorit do të reazliohet.

Në një deklaratë për mediat, Nikollaj shprehet se ?pavarësisht se humbëm një betejë ne nuk kemi humbur luftën, pasi status i minatorit do realizohet e për këtë ju jap fjalën e burrit të gjithë atyre burrave të cilave u ka rënë mbi shpatulla një punë jo e lehtë, për të mbajtur në radhë të parë familjen e për të mbajtur në këmbë një sektor, ku duhet vetëm hyrja në galeri, pasi dalja është në dorën e zotit.?

Gjithashtu, ai ka shigjetuar edhe opozitën, për të cilën thotë se hedh bomba molotov ndaj policisë dhe nuk del në krah të protestave të minatorëve.

?Ndërkohë opozitës dua ti bëj me dije që me statusin e minatorit të mos tallet më, pasi kjo opozitë që hedh molotov policisë për dy rrugaçë të arrestuar dhe nuk doli në ditë në krah të protestave të minatorëve, veprim që do ti jepte fisnikëri opozitës.?-deklaron Nikollaj.

Deklarata e plotë:

Kur ata që kalojnë më shumë kohë në qendra estetike e konferenca vendosin për fatin e profesioneve të vështira !

Kriza politike që në Shqipëri përsëritet çdo dy vjet, para gjatë dhe pas zgjedhjeve po sjell pasoja fatale në ekonominë e vendit, teksa janë investitorët ata që e ka pranuar këtë fakt. Teksa opozita del në rrugë për karrige pa vota, pushteti kapet fort pas karriges dhe pas tepsisë, si në kohën e Lal Krosit, ku vetë shkruajnë vetë firmosin dhe ato zëra që u dalin kundër i gjobisin, kryesisht përmes bandave mediatike që drejtohet nga dështakë kalibri.

Minatorët e Shqipërisë sot janë pa status, madje edhe naftëtarët e humbën statusin,kjo pasi disa zyrtarucë që i lyejnë duar më krem nivea e kalojnë më shumë kohë në qendra estetike dhe konferenca dhe se kanë provuar në duar dheun e minierës, plagët nga puna nëntoke dhe në puse naftë vendosën nëse minatorëve do tu jepnin apo jo status, vendimi i tyre ishte një JO.

Ky vendim është turpi i tyre, unë si përfaqësues i Konfederatës se Sindikatave, në çdo mbledhje në komisionin e ekonomisë e kam ngritur si shqetësim domosdoshmërinë për miratimin e statusit të minatorit, si një domosdoshmëri dhe një detyrim për këtë kategori.

Ekonomisti me diplomë të gjuhëve të huaja dhe master harëardi, Arben Ahmetaj urdhëroi vartësit e tij të hartonin një projekt ligj që privon minatorët nga përfitime bazë që i përfitojnë të gjithë kolegët e tyre në vendet e rajonit, pasi nuk po flas për Evropën e qytetëruar.

Në betejën për statusin e minatorit Konfederata e Sindikatave u tradhtua nga të gjithë përveç minatorëve, pasi bizneset qeveria pseudo-sindikata që duan kauza luftuan që ky status të mos bëhej.

Mediat u bënë palë me të fuqishmit, por pavarësisht se humbëm një betejë ne nuk kemi humbur luftën, pasi status i minatorit do realizohet e për këtë ju jap fjalën e burrit të gjithë atyre burrave të cilave u ka rënë mbi shpatulla një punë jo e lehtë, për të mbajtur në radhë të parë familjen e për të mbajtur në këmbë një sektor, ku duhet vetëm hyrja në galeri, pasi dalja është në dorën e zotit.

Ndërkohë opozitës dua ti bëj me dije që me statusin e minatorit të mos tallet më, pasi kjo opozitë që hedh molotov policisë për dy rrugaçë të arrestuar dhe nuk doli në ditë në krah të protestave të minatorëve, veprim që do ti jepte fisnikëri opozitës. Por çdo kërkojnë minatorët nga ata hajdutë më çizme që ishin 8 vite në pushtet dhe nuk denjuan ta miratojnë statusin, ndonëse i kishin të gjitha mekanizmat në dorë.