web counter
LEXO PA REKLAMA!

SHKARKO APP

Atentat me armë zjarri në Vlorë/ Një i vdekur, një i plagosur 

27 Maj 2019, 06:00, Aktualitet CNA

Një ngjarje e rëndë ka tronditur Vlorën, pak pas mesnatës së mbrëmshme. Mësohet se pas një atentati me armë zjarri, ka mbetur i vdekur një person, ndërsa një tjetër është plagosur.

Sipas informacioneve zyrtare, ngjarja e rëndë ka ndodhur rreth orës 01:10, në fshatin Poro të Vlorë.

Dy të rinj teksa po ktheheshin me motor drejt shtëpive të tyre kanë rënë në pritë të një atentati, ku si pasojë  22-vjeçari Sotiraq Mhilli ndërroi jetë rrugës për në spital, ndërsa Eno Mata 32-vjeç ka mbetur i plagosur rëndë.

Pas ngjarjes së rëndë në fshatin Bishan është djegur një makinë tip ?Mercedes?, e cila dyshohet të jetë përdorur nga autorët e atentatit.

Forca të shumta të Policisë Vlorë dhe FNSH-së po krehin zonën, ku në fshatin Bishan është konstatuar duke u djegur një automjet tip Mercedes Benz, i cili dyshohet të jetë përdorur nga autori/rët.

Është ngritur një grup i posaçëm hetimor i cili vijon punën për zbardhjen e ngjarjes, identifikimin dhe kapjen e autorit/ëve./ CNA.al





Lajmet e fundit nga