E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Shënim/ Bujar Leskaj si pazari i parë i Ramës, Bashës dhe Metës

24 Maj 2019, 10:25, Aktualitet CNA

Bujar Leskaj është rikthyer në krye të Kontrollit të Lartë të Shtetit, vetëm disa ditë më parë, konkretisht me 21 Maj 2019.

Ky është një rast flagrant i një zyrtari të lartë të shtetit, i cili braktis detyrën dhe lëshon kompetencat, pastaj shkon dhe i merr, në shkelje të hapur të ligjit.

Pavarësisht justifikimeve të Presidentit dhe argumentave ligjorë të përdorur, së paku Prokuroria duhej të kishte filluar hetimet për këtë rast, që është një precedent i padëgjuar më parë në historinë politike të demokracisë në Shqipëri.

Më e rëndësishmja është se të gjitha palët politike heshtin, dhe mediat që i rrethojnë, të cilat përdoren nga Rama, Basha apo Meta.

Asnjë nga mediat e Ilir Metës, apo vetë Presidenti nuk ka folur kundër këtij akti, megjithëse në fakt ai është vetë rekomandues.

Kryeministri Edi Rama, stafi i tij dhe shpura e Rilindjes, nuk kanë thënë asnjë fjalë për këtë skandal të padëgjuar më parë, kur një zyrtar që ka lënë detyrën shkon dhe shëtit 6 muaj nëpër biznese private apo kompani të huaja me projekte dhe pastaj rikthehet në krye të detyrës të një institucioni kushtetues siç është KLSH.

Pa folur më tej për rastin e Lulzim Bashës, i cili nuk ka thënë asnjë fjalë, por ka më shumë halle të merret me kandidatët e partive të reja opozitare apo të bërtasë në mitingje se sa të merret me çështjet thelbësore që ka vendi.

Rasti i Bujar Leskajt është sinjali i parë një marrëveshjeje, në sfond mes Ramës dhe Bashës në negociatat e Ilir Metës.

Bujar Leskaj, duket pazari i padiskutueshëm që hedh dritë në politikën shqiptare, ku Basha me Ramën po heshtin dhe po pranojnë shkeljen e Kushtetutës, po pranojnë shkeljen e ligjit me një akt, flagrant, të paprecedentë.

Në fakt përtej Bashës dhe Ramës qëndron dhe vetë Ilir Meta, i cili është njeriu që ka drejtuar të gjithë këtë proces, duke rikthyer Bujar Leskajn në detyrë, kreun shumëpërfolur të KLSH, i cili për muaj braktisi detyrën për t’u rikthyer disa ditë më parë./CNA.al

Rikthimi enigmatik i Bujar Leskajt në zyrat e KLSH-së

Kush po e përdor më fort sot Bujar Leskajn?!

Cna.al e paralajmëroi/ Bujar Leskaj rikthehet në krye të KLSH