web counter
LEXO PA REKLAMA!

SHKARKO APP

App Store
Google Play

E fundit!

x

Astrit Patozi i bindur/ Zgjedhjet e 30 qershorit, do të mbahen

20 Maj 2019, 07:50, Aktualitet CNA

Astrit Patozi është shprehur i bindur se zgjedhjet e 30 qershorit, do të mbahen, sepse janë të dekretuara nga presidenti.

I ftuar në emsionin KAPITAL, në Vizion Plus, Patozi tha se populli është i ftuar që të zgjedhë dhe se nuk ka ndonjë forcë që ta ndalojë popullin për t´u shprehur.

?Jo, unë mendoj që zgjedhje do të ketë sepse zgjedhjet i ka dekretuar Presidenti i Republikës dhe në zgjedhje merr pjesë populli. Pra, populli është i ftuar që të zgjedhë. Unë nuk besoj se ka ndonjë forcë që ta ndalojë popullin për t´u shprehur. Ata mendojnë që ka, janë të lirë që ta besojnë ëndrrën e tyre por ne mendojmë që është e pamundur që të ndalohet populli të shprehë vullnetin e tij. Por në rast se do të ndodhë që zgjedhjet do të pengohen, atëherë le të bjerë qeveria. Do të thotë që qeveria është e paaftë për të zhvilluar zgjedhjet, një nga funksionet e veta bazike. Sepse i bie që në rast se zgjedhjet nuk mbahen ose rrëzohen, bie edhe qeveria.?-tha Patozi.

Gjithashtu Patozi tha se nëse kjo ndodh, pra që nëse rrëzohet qeveria, do ja njohë meritat PD-së, por sikurse theksoi ai nuk beson në këtë skenar.

?Sigurisht që ne do ja njohim. Në rast se kjo do të ndodhë ne do ja njohim si sukses Partisë Demokratike dhe unë e deklaroj që tani. Por unë nuk e besoj këtë skenar.

Unë nuk e besoj këtë gjë dhe nuk do e dëshiroja kurrë që të kërkoja të rrëzohej me dhunë një qeveri. Sepse me dhunë i bie që do ta rrëzojnë. Unë jam kundër revolucionit, kam qenë që ditën e parë në vitin 1990 e deri sot që po flasim kundër revolucionit. Për të mos thënë në herët në biografinë e familjes time. Ata që besojnë te revolucioni janë të lirë ta bëjnë edhe ta provojnë, por unë nuk besoj që kjo funksionon.?-deklaroi Astrit Patozi./ CNA.al





Lajmet e fundit nga