web counter
LEXO PA REKLAMA!

SHKARKO APP

App Store
Google Play

Protestat e opozitës/ Balla: Kundër Reformës në Drejtësi

19 Maj 2019, 20:26, Aktualitet CNA

Kreu i Grupit Parlamentar të PS-së, Taulant Balla, në një postim në rrjetet sociale ka publikuar disa foto të një proteste të zhvilluar ditën e sotme në Gjermani kundër nacionalizmit dhe në mbështetje të Europës së bashkuar.

Balla ka bërë një krahasim me protestat e bëra në Shqipëri nga opozita të cilat sipas tij thirren nga disa politikanë të korruptuar.

Sipas Ballës, protestat e opozitës në Shqipëri janë kundër Reformës në Drejtësi dhe kundër integrimit europian të Shqipërisë.

Postimi i plotë:

Sot në Gjermani me dhjetëra mijëra vetë dolën në rrugët e qyteteve kryesore duke ngritur zërin e tyre në mbështetje të Evropës së Bashkuar. Protestat në formën e marshimeve paqësore kundër nacionalizmit u mbajtën në shtatë qytete të mëdha të vendit: në Berlin, Frankfurt, Hamburg, Këln, Lajpcig, Mynih dhe Shtutgart.

?Një Europë për të gjithë: zëri juaj kundër nacionalizmit?, ishte mesazhi i protestës, me marshimet e mbështetura nga më shumë se 100 organizata të shoqërisë civile dhe parti të ndryshme politike.

Ndërsa në Shqipëri disa politikanë të korruptuar thërrasin dhe mbledhin në protesta militantë, punonjës të bashkive ku partitë e tyre qeverisin, përfshirë persona të paguar, me prirje vandale, me qëllim dëmtimin e imazhit të Shqipërisë. Protestat e opozitës në Shqipëri, të cilat në javët e fundit janë shoqëruar me dhunë dhe sulme kundër institucioneve, janë kundër Reformës në Drejtësi, si kusht themelor në rrugën Europiane të vendit tonë, janë kundër institucioneve demokratike të zgjedhura me votë, janë përpjekje të dështuara në prag të vendimit historik të Këshillit Europian për fillimin e bsedimeve për anëtarësim mes BE?? dhe Shqipërisë?? + Maqedonisë së Veriut??./CNA.al





Lajmet e fundit nga