web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti/ Drejtori i Veliajt me të shkuar kriminale

19 Maj 2019, 18:15, Aktualitet CNA

Skandalet nuk kanë të sosur për kryebashkiakun e Tiranës Erion Veliaj.

Gjatë mandatit të tij, ai është shoqëruar nga një sërë akuzash dhe skandalesh të zbardhura me fakte, duke nisur që nga mashtrimet për lejet e ndërtimit, mosmbajtja e premtimeve, abuzimet me tenderat e deri tek akuzat për vrasjen e Ardit Gjoklajt.

Si të mos mjaftojnë këto edhe shumë të tjera, Veliaj ka bërë pjesë të stafit të tij persona me të shkuar kriminale.

Bëhet fjalë për drejtorin e terrenit në Drejtorinë e Përgjithshme ta taksave dhe tarifave vendore (DPTTV), Artan Ligori.

CNA.al ka mësuar se Ligori rezulton të jetë i dënuar në vitin 2007 me vendim gjykate për plagosje me dashje, gjë të cilën e ka pranuar edhe vetë ai, pasi ka kërkuar gjykim të shkurtuar.

Për Ligorin ka pasur një denoncim në vitin 2015 nga z. Leonard Olli, por denoncim i cili nuk u mor parasysh nga Veliaj i cili vazhdojë ta mbajë në detyrë drejtorin e tij të dënuar.

Në 30 dhjetor të vitit 2015 për Ligorin ka pasur edhe një denoncim nga ish kryeministri Sali Berisha i cili shkruante:

?Qytetari dixhital denoncon:
-vjedhjen e Erjon Velisë në bashkëpunim me firma të policisë private
-dallimin që ushtron ndaj bizneseve, bazuar në kritere partiake, Artan Ligori, duke përjashtuar nga taksat bizneset e Partise Socialiste?

Gjithashtu për dënimin e tij ka denoncuar edhe Indrit Hoxha në një postim në rrjetet sociale në vitin 2016

?Denoncim për drejtorin e taksave të bashkisë Tiranë si të dekriminalizuar. Më poshtë sms:

Artan Ligori, Ky person është dënuar nga gjykata dhe ndërkohë ka bërë vetëdeklarimin si i pa dënuar më parë duke qenë se e shoqja punon në kryeministri dhe do e anashkalojë tek DAP. Quhet Artan Ligori njeri politik i të gjatit dhe arrogant në maksimum. Po të bashkangjis qëndimin e gjykatës ku më parë është publikuar dhe tani është bërë drejtor I rëndësishëm i taksave kur të gjesh kohen bëjë publike?,-shkruan Hoxha

Për 4 vite me radhë Artan Ligori me arrogancën e tij vijon të grabisë qytetarët e Tiranës me mbështetjen e kryebashkiakut Veliaj, të cilit siç duke i pëlqen të qeverisë me kriminelë./CNA.al





Lajmet e fundit nga