Paralajmëron Astrit Patozi/ Sistemi është në grahmat e fundit

20 Maj 2019, 07:25, Aktualitet CNA

Koordinatori i Bindjes Demokratike, Astrit Patozi ka deklaruar se kjo forcë politike është krijuar nga nevoja, që ka Shqipëria për një riformatim të sistemit të saj politik, i cili sipas tij është i kalbur, është në grahmat e fundit dhe koha po e provon.

?Bindja Demokratike është finalizimi i një përpjekjeje të gjatë, gati 2 vjeçare të një grupi njerëzish që mendojnë se Shqipëria ka nevojë për një projekt të ri politik, që Shqipëria ka nevojë për një riformatim të sistemit të saj politik i cili sipas nesh është i kalbur, është në grahmat e fundit dhe koha po e provon.?-tha Patozi, në emisionin KAPITAL, në Vizion Plus.

Sa i takon krizës politike sot në Shqipëri, Patozi tha se ?Gjendja jashtë e një pjese të opozitës dhe qeveria në istikamin e saj nuk janë gjë tjetër veçse shenjat që ky sistem duhet rrëzuar dhe BINDJA DEMOKRATIKE garon në këto zgjedhje për të shpalosur programin e saj dhe vizionin e saj për Shqipërinë. Por nuk është ky basti jonë, pra ne nuk hyjmë në këto zgjedhje për të fituar por hyjmë në këto zgjedhje për të marrë pjesë, për të bërë diferencën me pjesën tjetër dhe për t´u përballur me qeverinë”.

Gjithashtu ai tha se Bindja Demokratike, është një bashkim vullnetesh dhe jo individuale.

?Bindja Demokratike, është një bashkim vullnetesh. Por unë nuk jam kujtuar tani. Unë kam të paktën 6 vite apo më shumë që flas për këtë çështje brenda partisë time por edhe jashtë, pra edhe në publik. Por nuk është problem me mua, unë nuk mund të bëja njëkohësisht edhe opozitën edhe pushtetin kur kisha detyra të rëndësishme në PD, se ne e kishim një opozitë dhe opozitën e kemi pasur luftarake, të fortë, opozita e Edi Ramës në mandatin tonë 2005 ? 2013. Kam folur, por edhe sikur të mos kisha folur, edhe sikur sot të kujtohesha për herë të parë, prapëseprapë do isha në të drejtën time. Pse? Çdo politikan dhe çdo njeri ka të drejtën e tij të reflektojë dhe unë them që kam reflektuar shumë herët. Por gjithëkush është në të drejtën e tij të reflektojë edhe tani. Unë do të doja që sot përshembull të reflektonte edhe Lulzim Basha, ish vëllai im i hershëm politik, i cili sot është në një aventurë do thoja të pashpresë.?-tha Patozi./ CNA.al