web counter
LEXO PA REKLAMA!

SHKARKO APP

App Store
Google Play

E fundit!

x

Rinia e Tiranës “ngel në klasë” Bashkinë dhe partitë politike

18 Maj 2019, 08:12, Aktualitet CNA

57% e të rinjve të kryeqytetit deklarojnë se do të bojkotojnë zgjedhjet vendore të Qershorit 2019!

Papunësia, të ardhurat e ulëta, korrupsioni dhe arsimimi janë problemet më shqetësuese që kërkojnë zgjidhje! Tiranë, 18 Maj 2019 ? Anketa Kombëtare ?Rinia në Shqipëri 2019?, e prezantuar në Samitin e 1- rë Kombëtar të të Rinjve, vetëm dy muaj përpara zgjedhjeve vendore në Shqipëri, sjell një realitet tepër shqetësues dhe mbase të papritur për Bashkinë dhe partitë politike në Tiranë.

Anketa e zhvilluar në 12 qarqe të vendit, me mbi 1210 të rinj e të reja, nga Child and Youth Policy Hub Albania, çdo javë do të publikojë Anketën me të dhëna për çdo Bashki qendër-qark të vendit, ku paraqiten shqetësimet, vlerësimi dhe zgjidhjet që të rinjtë japin për përmirësimin e situatës në të cilën ata ndodhen.

Anketa ?Rinia në Tiranë 2019?, morri në konsideratë vetëm përgjigjet e të rinjve në Tiranë, të cilët janë shprehur si vijon: – 97% e të rinjve në Tiranë shprehen se Bashkia e Tiranës nuk i ka adresuar sic duhet problemet e të rinjve; – 91% e të rinjve deklarojnë se Bashkia e Tiranës nuk ka punuar mjaftueshëm për të rinjtë; – 92% e të rinjve mendojnë se Sektori i Rinisë, Bashkia Tiranë, nuk i ka adresuar problemet e tyre; – 85% e të rinjve mendojnë se Bashkia është pak ose aspak bashkëpunuese për zgjidhjen e problematikave të tyre; – 94% e të rinjve deklarojnë se buxheti është i pamjaftueshëm për rininë; – 88% e të rinjve mendojnë se Bashkia nuk i ka mbështetur mjaftueshëm organizatat rinore!

Në lidhje me bashkëveprimin midis partive politike, besimit ndaj tyre, vijueshmërisë dhe dëshirës për të qënë pjesë e zgjedhjeve të ardhshme vendore, shifrat paraqiten tërësisht alarmante përsa i përket të rinjve në kryeqytet. – 99% e të rinjve deklarojnë se partitë politike janë pak ose aspak të hapura për të zgjidhur problemet e të rinjve në Tiranë; – 93% e tyre mendojnë se partitë politike as nuk dëshirojnë të konsultohen me ata për zgjidhjen e këtyre problemeve; – 70% e të rinjve në Tiranë, nuk i shohin bashkëpunuese grupimet politike; – 57% e tyre nuk dëshirojnë të jenë pjesë e votimeve për zgjedhjet vendore të 30 Qershorit 2019.

Arsyeja e këtij lloj bojkotimi, merr përqindjen më të madhe si mosbesimi te partitë politike, humbja e shpresës se politika mund të ndryshojë dhe se duan të largohen nga Shqipëria, si rrjedhojë e zhgënjimit që kanë krijuar tashmë partitë politike në vend. Problemet kryesore të evidentuara nga Anketa ?Rinia në Tiranë 2019? janë papunësia në masën 72%, e ndjekur nga të ardhurat e ulëta (54%), korrupsioni (48%) dhe arsimimi (48%). Anketa ?Rinia në Tiranë 2019?, është pjesë e Anketës Kombëtare ?Rinia në Shqipëri 2019?, të përgatitur nga Child and Youth Policy Hub Albania me mbështetjen e Rrjetit Kombëtar për të Rinjtë në Shqipëri ? ANYN dhe CRCA/ECPAT Shqipëri. Qëllimi kryesor i anketës është evidentimi i problemeve të të rinjve në nivel kombëtar dhe vendor, si dhe adresimi i tyre nëpërmjet Axhendës Kombëtare të të Rinjve, Planit Kombëtar të Veprimit për Rininë dhe politikave vendore për rininë në të gjitha Bashkitë e vendit./CNA.al

 





Lajmet e fundit nga