web counter
LEXO PA REKLAMA!

SHKARKO APP

App Store
Google Play

Ish Ministrja e Enver Hoxhës sërish në krye/ Rikthehet shoqja Themie Thomai

17 Maj 2019, 20:31, Aktualitet CNA

Themie Thomai, ish ministrja e Bujqësisë e periudhës së sundimit të diktaturës komuniste të Enver Hoxhës, pas një periudhe degradimi, është ngjitur sërish në krye.

Në kohën e komunizmit enverian Thomai ka qenë “fanar ndriçues” për  gjithë kuadrovikët drejtues të dalë nga gjiri i klasës punëtore dhe asaj kooperativiste. E nisi karrierën si brigadiere fushe në kooperativën e Këmishtajt të rrethit Lushnjë, për tu ngjitur shumë shpejt në atë të kryetares së kësaj kooperative që nën drejtimin e saj arriti të konvertohet në e tipit të lartë.

Për rezultate të larta,  me urdhër të “Udhëheqësit të Lavdishëm”, Enver Hoxha,  Themie Thomai u katapultua në postin e ministres së Bujqësisë për ta shtrirë përvojën e kooperativës së tipit të lartë të Këmishtajt në gjithë simotrat e vendit.

Shërbeu si e tillë nga viti 1975 deri në 1989, kur dhe nisi levizja për ndrysimin e sistemit, në dy qeveritë komuniste të kryesuara nga Mehmet Shehu dhe Adil Çarçani. Ndërkohë  rezulton të ketë mbajtur njëherësh dhe postin shumë të lartë të anëtares së Byrosë Politike, që ishte struktura më e lartë udhëheqëse  politike e vendit.

Pas mënjanimit disa dekadësh nga jeta politike dhe ajo administrative, shoqja Themie Thomai, është rikthyer sërish. Këtë herë jo në krye të dikasterit që ka drejtuar atëherë, por e rreshtuar në shtabin e Këshillit Strategjik për Bujqësinë. Detyrë që ja ka ngarrkuar ministri i Bujqësisë, Bledi Çuçi, i cili nuk e ka parë të arsyeshme të bëj pjesë tij as socialistin e flaktë Niko Peleshi, i cili për më shumë se një vit shërbeu si ministër, por  nuk bën pjesë as paraardhësi i Peleshit, lësëisti Edmond Panariti. /CNA.al





Lajmet e fundit nga