E fundit!

08:20 Aktualitet

Seancë e ngarkuar në Kuvend/ Shqyrtohen sot 24 pika të rendit të ditës

Kuvendi i Shqipërisë mblidhet këtë të enjte më 16 korrik, ...

“Vend kaotik, në duar gangsterësh”/ Manjani reagon pas shkrimit të gazetës gjermane

15 Maj 2019, 09:53, Aktualitet CNA

Një ditë më parë, në media u publikua një shkrim i gazetës gjermane ?Bild?, kushtuar Shqipërisë, duke e konsideruar vendin tonë si në ?shtet kaotik në duart e gangsterëve.?

Gazeta zbardh edhe një telefonatë të kryeministrit Edi Rama me një drejtuesi të komisionit lokal të zgjedhjeve, bisedë e përfshirë tek Dosja tejet e përfolur 184 për zgjedhjet në bashkinë e Dibrës.

Nga ana tjetër, në disa media u raportua se BILD i është referuar prononcimeve të ish-ministrit të Drejtësisë në qeverinë ?Rama 1?, Ylli Manjani.

Ndërkohë, në lidhje me këtë ka reaguar Manjani, i cili i cilëson qesharake argumenta të tilla.

Në një postim në rrjetet sociale, Manjani shkruan ?Shumë interesant konkluzioni “i njëjtë” i recituar në kor nga media të qeverisë, për shkrimin e Peter Tiede në BILD dje.

Ata thonë, se shkrimi bazohet në tre fjali të miat dhe të disa të tjerëve që nuk e duan qeverinë dhe se për këtë nuk ja vlen.

Ata gjithashtu thonë se gazetat e huaja shkruajnë atë cfarë themi e shkruajmë ne këtu.

Më vjen të qesh me këtë argumentim të mjerë.

Sipas kësaj logjike del se prestigjozen gjermane BILD e kontrolloj unë…?.

Më tej, ai thekson se duhet të kesh hall të madh të prodhosh këto fjalë e ti shesësh si argument.

?Tre fjali të miat në atë mori fjalësh me përmbajtje të fortë politike të autorit të shkrimit nuk janë thelbi i atij shkrimi.

Mirë është të merret seriozisht ai raport sepse e bën një media që ka ngrënë shumë koka politike në Gjermani dhe më gjerë…

Së fundi, për t’i dhënë një përgjigje konkluzionit se “mediat e huaja shkruajnë atë që shkruajmë e themi ne këtu”. Po mirë more shokë e shoqe, le ta marrim si të vërtetë këtë gjë, pyetja është, përse BILD nuk ju citon juve por mua?!

E pra ju shkruani e flisni shumë më shumë se unë…

Ndaj lexojeni mirë atë shkrim, kundërshtojeni po të doni, por mos e relativizoni me argumente qesharakë.?-përfundon postimin e tij Ylli Manjani./ CNA.al