web counter
LEXO PA REKLAMA!

SHKARKO APP

App Store
Google Play

E fundit!

x

“Llumi është shumë i madh”/ Kandidati i Bindjes Demokratike bën paralajmërimin e frikshëm

15 Maj 2019, 07:45, Aktualitet CNA

Kandidati i Bindjes Demokratike për Bashkinë e Tiranës, Arben Skënderi ka komentuar situatën politike në të cilën ndodhet vendi.

I ftuar në studion e A2 CNN, Skendëri tha se ?polarizimi i situatës ka ardhur nga një qeverisje drastikisht e keqe. Me PPP-të e famshme janë marrë vendime për jetët tona për të paktën 20 vitet që vijnë. ?Llumi është shumë i madh?.

Gjithashtu ai tha se sistemi politik i 30 viteve është i kalbur tashmë dhe nuk mund të prodhojë më asgjë.

Por, ndërkohë që në qarqet mediatike po flitet për një marrëveshje të mundshme mes mazhorancës dhe opozitës jo parlamentare, Skënderi bëri një paralajmërim të fortë.

Sipas tij nuk mund të ketë marrëveshje të ndershme, por vetëm një pakt djallëzor, sërish për interesa personale.

?Mund të ketë një marrëveshje momentale për t?ja hedhur edhe kësaj radhe, por nuk mund të ketë marrëveshje të frytshme afatgjatë dhe as të ndershme. Në Shqipëri flitet ne emër të popullit dhe flitet për ndershmëri kur jemi më të korruptuarit e Europës. Vetëm ndryshimi i sistemit do të ishte kthesa. Këta nuk mund të bëjnë marrëveshje, por vetëm një pakt hileqar?-tha Skëndëri.

Po ashtu ai nuk e përjashtoi mundësinë që kjo të ndodhë, ndërsa theksoi se ?Këtu partitë politike e shkellin ligjin dhe Kushtetutën, sigurisht duke u justifikuar në emër të popullit. E kemi parë dhe kemi prova për këtë?.

Ndërsa, i pyetur se çfarë ambicie ka Bindja Demokratike, Arben Skëndëri u shpreh se kjo forcë politike synon të përfaqësojë dhe të jetë në shërbim të atyre që ndihen të papërfaqësuar.

?Ne e kemi shprehur publikisht, ne duam që votuesit opozitarë të kenë një alternativë të gjërë për të votuar.

Ambicia jonë është të bëjmë hapa përpara me parametrat e duhur, në shërbim të njerëzve që ndihen të përfaqësuar?-tha Skënderi./ CNA.al





Lajmet e fundit nga