web counter
LEXO PA REKLAMA!

SHKARKO APP

App Store
Google Play

Aksioni opozitar/ Basha mbledh aleatët

15 Maj 2019, 09:37, Aktualitet CNA

Kreu i PD-së, Lulzim Basha, ka paralajmëruar se protestat do të vijojnë deri në largimin e kryeministrit Edi Rama nga qeveria, për të mundësuar krijimin e një qeverie tranzitore, e cila do të sigurojë zgjedhje të lira dhe të ndershme, sipas opozitës së bashkuar.

Sot, në orën 10:30 Basha është takuar me aleatët e tij, ndërsa në 11:30 do të zhvillohet mbledhja e Kolegjit të Kryetarëve në selinë e PD-së.

Në 13:00, kreu i PD-së, Lulzim Basha ka parashikuar një takim me krerët vendor të PD-së, ndërsa në mbyllje të takimeve, në orën 17:00, do të zhvillohet një mbledhje e përbashkët në kryesinë e PD-së dhe grupit parlamentar.

“Zgjidhja politike është vetëm një, kryeministri i krimit duhet të largohet, një qeveri tranzitore, një dialog gjithëpartiak dhe transparent, për të stabilizuar gjendjen e rëndë të rendit edhe kushtetues dhe për t?i hapur rrugë një dialogu më të gjerë për t?i kthyer shqiptarëve lirinë për të votuar. Ne do të vazhdojmë aksionin tonë ku do të ndërthuren protestat më të mëdha që ka parë ndonjëherë Shqipëria me ofertën për qeveri tranzitore. Zgjedhje të diktuara nga krimit, zgjedhje false, zgjedhje të marra peng nga krimi i organizuar nuk do të ketë më në Shqipëri. Ky është një mesazh i qartë që sot kumbon nga çdo cep i Shqipërisë. Nesër kam thirrur forumet më të larta të Partisë Demokratike dhe një konsultë të gjithë koalicionit të bashkuar të opozitës për agjendën e aksionit politik. Ky është momenti për të intensifikuar dhe vazhduar me vendosmëri betejën tonë. Nesër do t?ju informojmë mbi agjendën politike të opozitës.”, deklaroi Basha një ditë më parë.





Lajmet e fundit nga