web counter
LEXO PA REKLAMA!

SHKARKO APP

App Store
Google Play

E fundit!

x

“Dënoni dhunën”/ Ambasada italiane mesazh Bashës dhe Kryemadhit

13 Maj 2019, 15:40, Aktualitet CNA

Pas ambasadës Amerikane, asaj britanike dhe eurodeputëteve edhe ambasada italiane në Tiranë ka reaguar në lidhje me protestën e opozitës.

Ambasada italianje i bën thirrje udhëheqësve të opozitës të dënojnë dhunën dhe të garantojnë protesta paqësore.

Në reagim thuhet gjithashtu rruga e vetme për të zgjidhur krizën është nëpërmjet dialogut.

Deklaratë e Ambasadës së Italisë mbi protestat në Shqipëri:

E drejta për të protestuar është tipar thelbësor i një demokracie të shëndetshme, por protestat duhet të mbeten paqësore.

Gjatë protestës së dhunshme të 11 majit pati të lënduar në radhët e policisë dhe të protestuesve, si dhe u dëmtuan disa godina publike.

Ambasada italiane në Tiranë u bën thirrje udhëheqësve të opozitës që të dënojnë dhunën dhe të garantojnë që protestat e ardhshme të jenë paqësore dhe të qëndrojnë brenda kornizave ligjore. I kërkon gjithashtu forcave të rendit të tregojnë vetëpërmbajtje.

Ambasada e Italisë dënon pa rezervë kanosjet ndaj Kryetarit të Prezencës së OSBE-së në Shqipëri, veprime të papranueshme në një demokraci.

Së fundmi, Ambasada italiane u kërkon të gjitha palëve të fillojnë dialogun si mënyra e vetme për të zgjidhur krizën aktuale politike dhe për të mbështetur rrugën e integrimit evropian të Shqipërisë./CNA.al

 





Lajmet e fundit nga