web counter
LEXO PA REKLAMA!

SHKARKO APP

App Store
Google Play

E fundit!

x

"Ai na ka mallkuar"/Babai tregoi historinë në "Dua të të bëj të lumtur", reagon ashpër vajza

6 Maj 2019, 11:44, Aktualitet CNA

Në programin “Dua të të bëj të lumtur” këtë të shtunë ishte i ftuar Çelniku i cili kishte zgjedhur programin si një urë komunikimi midis tij dhe bashkëshortes, Klodjanës.

Midis çiftit, sipas asaj që rrëfeu në studio Çelniku, kishte pasur gjithmonë debate dhe konflikte të vazhdueshme.

Një ndër këto konflikte ishte dhe martesa e vajzës së tyre në moshë të re, pasi ai nuk dëshironte që ajo të martohej pa mbaruar shkollën e lartë. Gjithashtu, Çelniku shtoi se Klodjana nuk i tregonte problemet që fëmijët kishin. I lodhur nga këto të fshehta, ata kishin nisur të debatonin me njëri-tjetrin. Pas konflikteve të vazhdueshme, Klodjana kishte vendosur që të largohej nga shtëpia, së bashku me djalin.

Në studio, Çelniku rrëfeu se kurrë nuk kishte ushtruar dhunë fizike mbi Klodjanën, por sipas tij, ajo ndikohej nga prindërit e saj, të cilët nuk e donin dhëndrin për shkak të konfliktit që kishin pasur për një pronë.

Por duket se pas komenteve që janë bërë në rrjetet sociale dhe nxirja? që i është bërë nënës së dy fëmijëve, vajza e çiftit ka reaguar ashpër duke treguar anën tjetër të historisë, ndërsa ka fajësuar plotësisht të atin për të gjithë këtë situata të shkaktuar.

Në një reagim për ?Anabel?, vajza shkruan:

Përshëndetje o njerëz shqiptarë që nuk lini rast pa ofenduar dhe poshtëruar të tjerët për jetën e tyre. S?kam shkruar për jetë time ndonjëherë, as në ndonjë temë, as në ndonjë status. Por, kur babai im doli në ekran mbrëmë për të poshtëruar mamin tim që ka qenë më e duruara, më e qeta në atë shtëpi, këtë nuk munda ta përtyp.

Unë dhe vëllai im s?e kemi konsideruar veten kurrë me baba. Asnjëherë nuk kemi marrë dashuri të pastër nga ai baba. Gjithmonë na ka ngrënë me grindje për çdo gjë, edhe kafshatat e bukës na ka mallkuar. Na ka ulur në sytë e botës. Për të kemi qenë fëmijë të këqinj dhe pse? Sepse unë një burrë desha, një mora dhe vëllain sepse ishte i urtë dhe nuk kthente gjysmë fjale.

Sa për dijeni të atyre njerëzve që mamin tim e bëjnë gjarpër, turishpifur dhe turikalë, më mirë të kthejnë sytë nga vetja se mund të kenë ndonjë hall më të madh se ne. mami im dhe atë kafshatën e saj e ka ndarë me atë burrë që i ka falur vetëm sëmundje. E dini ju ç?bënte mami im një në tre ditë në atë shtëpi? Ajo grua që sot i ka mbetur vetëm dy lekë fytyrë, villte vrer migrene nga ai njeri i fëlliqyr, i ngjirej zëri nga tiroidet dhe i janë mbushur këmbët me variçe duke mbajtur në kamëbë shtëpinë, fëmijët dhe atë burrë që s?e ka merituar kurrë kujdesin e saj.

Mami im është një gjyshe që mendon për një mbesë që ka (edhe kur dy çokollata i fal i duket mrekulli) dhe jo si ai që engjëllin tim e ka mallkuar që kur e kisha në bark. Ndaj do ju lutesha të mos gjykoni e të mos qeshni njeri pa e njohur. Asnjë nënë nuk do të quhet kurvë pa arsye dhe asnjë fëmijë nuk do që nënën që i ka rritur me forcën e shpirtit t?ia poshtërojnë në këtë lloj mënyre.? /Burimi:Anabel.al

 

 

 

 

 





Lajmet e fundit nga