web counter
LEXO PA REKLAMA!

SHKARKO APP

App Store
Google Play

E fundit!

x

Maqedoni e Veriut/ Bushati: Roli i shqiptarëve po rritet

6 Maj 2019, 11:06, Aktualitet CNA

Ish-ministri i jashtëm, Ditmir Bushati ka reaguar lidhur me zgjedhjet Presidenciale në Maqedoninë e Veriut dhe me peshën që shqiptarët kanë në formimin e shetit në këto zgjedhje.

Bushati ka reaguar në rrjetet sociale dhe sipas tij “roli i shqiptarëve si komunitet shtet-formues është në rritje. Për herë të parë Kryetari i Kuvendit është Shqiptar.”. 

Ndër të tjera ish-ministri shton se “Shqiptarët dëshmuan edhe një herë se janë një forcë lëvizëse e kursit Euro-Atlantik të Maqedonisë së Veriut! Urime!”. 

Postimi i plotë

?Mbështetja e Shqiptarëve në Maqedoninë e Veriut për Presidentin e Zgjedhur Stevo Pendarovski është një mbështetje e qartë për rrugën drejt anëtarësimit në Bashkimin Europian, stabilitetin demokratik dhe shoqërinë multietnike.

Që prej platformës të bashkëpunimit të partive politike shqiptare, të Janarit 2017, roli i shqiptarëve si komunitet shtet-formues është në rritje. Për herë të parë Kryetari i Kuvendit është Shqiptar.

Përdorimi i simboleve dhe gjuhës shqipe po avancon në të gjitha nivelet, ndonëse ende e panjohur në menyrë eksplicite në Kushtetutë.

Ky kurs duhet thelluar si e vetmja rrugë për ndërtimin e një shoqërie europiane ku dy komunitetet kryesore shtet-formuese punojnë së bashku.

Shqiptarët dëshmuan edhe një herë se janë një forcë lëvizëse e kursit Euro-Atlantik të Maqedonisë së Veriut! Urime!?përfundon Bushati statusin e tij.





Lajmet e fundit nga