“Nuk do të gjej paqe derisa drejtësia të vihet në vend”/ Përfaqësuesja e viktimave të përdhunimit në Kosovë prek me dëshminë e saj

1 Maj 2019, 19:24, Aktualitet CNA

Vasfije Krasniqi Goodman ka rrënqethur me dëshminë e saj para Kongresit Amerikan. Krasniqi është një nga viktimat e cila është përdhunuar nga policët serbë gjatë përiudhës së luftës.

Gjithashtu ajo iu ka kërkuar përfaqësueve ligjorë të Ëashington të bëjnë të pamundërën për të vënë para drejtësisë të gjithë ata autorët që kryen këto krime makabre në Kosovë.

Krasniqi Goodman njihet si gruaja e parë që foli publikisht për faktin që ishte një viktimë e përdhunimit gjatë luftës së Kosovës.

Në një dëshmi shumë emocionale në ?Shtëpinë e Përfaqësuesve? në Kongresin Amerikan, ajo ndau me dëgjuesit historinë e saj, duke rrëfyer se ishte vetëm 16 vjeç kur u përdhunua nga policët serbë. Pjesë e dëshmisë së saj ishin fjalët: ?Pasi ndodhi, unë qaja pa kontroll, i lutesha që të më vriste. Ai më tha jo, nuk do ta bëj, sepse kështu do të vuash më shumë. Kishte të drejtë. Unë kam vuajtur shumë.?

Vasfija tha se gjithçka që do tani është të vihet drejtësia. ?Nuk do të kem kurrë paqe derisa drejtësia të vihet në vend. Prandaj sot i bëj thirrje përfaqësuesve të Kongresit të SHBA që të shohin problemin e mosndëshkueshmërisë dhe abuzimeve, e të ndërmarrin veprime të menjëherëshme për të mbijetuarit që ëkrkojnë drejtësi.?- shprehet ajo.

Ndërkohë ambasadorja e Kosovës në Ëashington, Vlora Citaku, vlerësoi dëshminë e Krasniqit dhe tha se emocionoi të gjithë të pranishmit në këtë seancë. ?Kishte heshtje dhe lot në Kongres?- shkroi Citaku në Tëitter.

Ilir Bytyqi, një shqiptaro-amerikan, të cilit ju vranë tre vëllezër nga policia e serbisë në 1999, pasi lufta në Kosovë mbaroi, gjithashtu dha dëshminë e tij në ?Shtëpinë e Përfaqësuesve? përpara kongresmenëve amerikanë. Ndër të tjera ai akuzoi presidentin serb, Aleksandër Vucic, se i mbron kriminelët që vranë vëllezëërit e tij.

Në lidhje me këtë seancë pati reagime të ndryshme nga dëgjuesit dhe përfaqësuesit ligjorë të SHBA. Eliot Engel, që është një kongresmen i njohur dhe anëtar i komitetit për punët e jashtme në qeverinë amerikane, tha se e kishte takuar dy herë Vucic dhe ai i kishte premtuar se do të përpiqej ti jepte një zgjidhje kërkesave të viktimave të luftës në Kosovë. ?Por deri tani, nuk ka asgjë të re, prandaj fjalët e tij nuk kanë fare vlerë?- tha Engel në Kongres. Ndërkohë Paul Ëillimas, profesor në Shkollën e Ligjit në Ëashnigton dhe njohës i mirë i luftës së Kosovës, tha se gjykata e Hagës duhet ti trajtojë akuzat për përdhunime dhe dhunë në mënyrë të veçantë dhe të fillojë të ndëshkojë përgjegjësit.

Në këtë seancë foli dhe ish-presidentja e Kosovës, Atifete Jhjaga, e cila u shpreh: ?Kam takuar me qindra gra që i kanë mbijetuar krimeve të luftës dhe dhunës seksuale. Eksperienca e tyre e frikshme është e gjallë në kujtesën e tyre. Ato ende vuajnë nga lëndimet fizike dhe ato mendore?. Madje ajo e quajti përdhunimin si një armë lufte, që ka lënë pasoja të mëdha tek viktimat dhe komunitetet e ndryshme në Kosovë.