Meta garant i Kushtetutës apo kriminel?/ Çfarë thoshte dje Lulzim Basha

30 Prill 2019, 09:33, Aktualitet CNA

Mbrëmjen e djeshme, Sekretari i Përgjithshëm i Lulzim Bashës, zë hollë e mjekër nxirë Gazmend Bardhi, nga studio e Report TV tha se i vetmi garant i Kushtetutës, është presidenti Ilir Meta.

?Sot, presidenti i Republikës është i vetmi garant i kushtetutës që është funksional.?-tha ndër të tjera Gazmend Bardhi në emisionin ?5 pyetje nga Babaramo? .

Por, po ky president që tashmë është garant i Kushtetutës, dje për Lulzim Bashën ishte kriminel.

Në vitin 2015, në kohën kur ish-kreu i LSI ishte kryetar i Kuvendit të Shqipërisë, Basha kërkonte me këmbëngulje dorëheqjen e Ilir Metës, duke e akuzuar për rrjedhjen e informacionit nga dëshmia e Durim Bamit në Prokurori.

?Dorëheqja e Ilir Metës, ndjekja prej tij e procesit të hetimit nga karrikja e një deputeti të thjeshtë, është një parakusht për një hetim të drejtë dhe objektiv të skandalit, të pandikuar nga politika dhe faktorët kriminalë të përfshirë në këtë skandal të paprecedent.?, -deklaronte në atë kohë Basha.

Një tjetër rast, ku Basha nuk është kursyer ndaj Ilir Metës, është edhe në lidhje me arrestimin e Tom Doshit. Në atë kohë, Lulzim Basha deklaronte se arrestimi është ?Larje hesapesh mes Ramës, Metës, Tahirit, Doshit e Frrokut?.

Në një deklaratë për mediat nga selia e Partisë Demokratike, në 20 mars 2015, Basha tha se me Metën në krye të Kuvendit, e vërteta rreth historisë së atentatit që pretendon Doshi, nuk do të mësohet kurrë.
Gjithashtu ai deklaroi se protestat e opozitës do të vijojnë dhe se kërkesa për dorëheqjen e Metës do të jetë sërish kauzë e tyre.

Në prill të vitit 2017, Lulzim Basha doli kundër kandidaturës së Ilir Metës, si presidenti i ri i Republikës.

Teksa ishte i ftuar në emisionin ?Opinion?, Basha ka deklaruar se ftesa e qeverisë për dialog dhe bashkëpunim për një president konsensual ka qenë e pasinqertë.

?Meta nuk ka asnjë lidhje me çadrën e opozitës. Ai ka mbajtur disa qëndrime për interesat e tij dhe i ka artikuluar disa argumente në interesa të qytetarëve. Loja në parlament është lugë e pagëlltishme. Ruci u ngarkua që të bënte rolin e kukullës?, tha Basha.

Ndërkohë, në maj të vitit 2017, në prag të zgjedhjeve të përgjithshme të 25 qershorit, Lulzim Basha filloi sulmet dhe akuzat kundër LSI-së dhe Ilir Metës.

Në maj të vitit 2017, kreu i PD-së, Lulzim Basha ka lëshuar një paralajmërim të fortë për ish-kreun e LSI-së, Ilir Meta.

?Merre me qetësi dhe dashuri, mos e shkel etikën se je president i zgjedhur, edhe pse me Pazar, lere Petritin ta marrë faturën e falimentimit të SHPK, matrapazllëqet nuk kanë vend në republikën e re?.-i është drejtuar Basha-Metës.

Lulzim Basha dikur me partinë e Ilir Metës, LSI-në me të cilën sot del e bërtet e ulëret për mbrojtjen e votave, deklaronte se nuk do të kishte më pazare.

“Edhe LSI ta ketë të qartë se koha e matrapazëve në politikë që shkojnë sa andej këndaj shit klyshë e bli qen merr fund në 25 qershor. Nuk ka më. Ndaj të gjithë ata votues që jeni tunduar me teserat e partive të pazarit që ua kanë dhënë për tu mbajtur peng, dijeni se votat për këto parti janë vota të hedhura në det, kurrë më pazari ?bli klyshë e shit qen? nuk do ecë me PD”-deklaronte Basha.

Por, sot Lulzim Basha mban në krah partinë e Ilir Metës që tashmë drejtohet nga bashkëshortja e tij Monika Kryemadhi, ndërsa Ilir Metën, sot president e cilëson si garant të Kushtetutës.
Kjo është politika e Lulzimit dhe vërtetë që është serioz Basha në aksionin e tij opozitar, aq sa ka lënë me gojë hapur edhe Ilir Metën i cili ka thënë ?Luli gënjen edhe për orën?./CNA.al