web counter
LEXO PA REKLAMA!

SHKARKO APP

App Store
Google Play

E fundit!

x

Zgjidhja e krizës/ Bardhi: Presidenti Meta i vetmi garant i Kushtetutës  

29 Prill 2019, 21:43, Aktualitet CNA

 

Gazment Bardhi, Sekretari i Përgjithshëm në Partinë Demokratike, ka qenë pjesë e emisionit “5 pyetje nga Babaramo”, ku ka folur ndër të tjera edhe për situatën krizuale në të cilën ndodhet vendi, por edhe zgjidhjen e saj në kohën kur pjesa më e madhe e institucioneve kushtetuese kanë renë.

Për Bardhin i vetmi që ofron garanci kushtetuese është institucioni i Presidentit të Republikës, i cili ditën e nesërme do të pres në takim për këtë temë përfaqësues të opozitës.

” Në këndvështrimin tim si jurist, Presidenti, si kryetar i shtetit, është përfaqësues i unitetit të popullit. Ka përgjegjësi për funksionin e mekanizmit kushtetues të shtetit. Kjo do të thotë se në momentin, kur institucionet kanë rënë, kur rrezikohet pluralizmi dhe zgjedhjet e lira e të ndershme, presidenti ka gjithmonë një rol për të luajtur. Shqipëria është sot pa Gjykatë Kushtetuese, pa Gjykate të Lartë, pa Prokuror të Përgjithshëm kushtetues, pa organet e rëndësishme të sistemit të drejtësisë që do të duhet të luftonin korrupsionin dhe krimin e organizuar, është pa Kryetar të KLSH-së. Pra, disa mekanizma kushtetues që garantojnë paqen sociale në vend, kanë rënë. Për shkak të kësaj situate, roli i Presidentit të Republikës është akoma më i rëndësishëm. Sot, presidenti i Republikës është i vetmi garant i kushtetutës që është funksional. Të gjitha institucionet e tjera që garantojnë funksionimin e shtetit të së drejtës, kanë rënë. Roli i presidentit në këtë situatë është i domosdoshëm në mbrojtje të kushtetutës dhe parimeve kushtetuese”, – ka thënë Gazmend Bardhi./CNA.al





Lajmet e fundit nga