web counter
LEXO PA REKLAMA!

SHKARKO APP

App Store
Google Play

Rama-Basha po luajnë poker, por do të arrijnë kompromisin

29 Prill 2019, 19:50, Aktualitet CNA

Dy palët politike në konflikt të pandalshëm në rreshtimin e tyre vijnë të përfaqësuar nga dy liderat e forcave poltike, që përfaqësojnë PD-në dhe PS-në, përkatësisht Lulzim Basha e Edi Rama. Të cilët në gjithë këtë “dyluftim” të dukshëm nuk bëjnë tjetër veçse luajnë poker me njeri tjetrin.

Ka qenë ky përkufizimi i diskutimit të pedagogut Arlind Qorri, bërë në studion e emisionit “360 Gradë” të mbrëmjes së sotme, ku si temë diskutimi është “Opozita e “protestës” dhe opozita brenda sistemit”.

Në mbështjetje të këtij konstatimi Qorri tha se:

 “Edi Ramës i intereson të luajë me rregullat e vjetëra dhe të dalë fitimtar. Palët nuk do ti marrin fjalët e Ramës apo Bashës, si të vërteta të tyre të plota. Gjuha është është performative, pra nëpërmjet gjuhës duan të krijojnë një lloj realiteti. Pra duan të rrisin pazarin në negociatat e mundshme. Po ta vësh re Basha thotë do bëjmë revolucion, Rama thotë do të fitojmë 100%.

Në fakt asnjërës palë nuk i intereson kjo gjë. Ramës nuk i intereson të fitojë 100% sepse pesah e pushtetit do ta fundosë. Ndërkohë që Bashës nuk i intereson revolucioni sepse si mund të kërkojë revolucion një parti që do të rrezikonte pastaj privilegjet dhe pasuritë e veta të tyre. Palët janë duke luajtur poker me njera-tjetrën, duke fshehur disa karta. Por unë mendoj që në fund fare ata do të arrijnë një lloj kompromisi”, – ka analizuar profesor Arlind Qorri./CNA.al





Lajmet e fundit nga