E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Terror në qendër të Laçit/ Identifikohen autorët e vrasjes së dyfishtë

29 Prill 2019, 06:42, Aktualitet CNA

Një ngjarje e rëndë ka tronditur Laçin mbrëmjen e djeshme, ku dy persona mbetën të vrarë pas një përplasje me armë zjarri mes dy grupesh të rinjsh.

Ndërkohë, burime nga policia bëjnë të ditur se janë identifikuar autorët e dyshuar të vrasjes dhe janë shpallur në kërkim.

Nga të njëjtat burime mësohet se janë shpallur në kërkim, si autorë të dyshuar të vrasjes së dyfishtë, shtetasit Markel Bushi, 25 vjeç si dhe Vincnes Bushi.

Kujtojmë këtu se ngjarja ndodhi rreth orës 20:15 në lagjen nr. 1 në qytetin e Laçit, afër një lokali ku ndodheshin viktimat dhe autorët.

Dy të rinjtë që humbën jetën janë Mikel Jushi 35 vjeç dhe Jani Jushi 30 vjeç, kushërinj mes tyre.

Njoftimi i plotë i policisë:

Identifikohen dhe shpallen në kërkim autorët e dyshuar të vrasjes së dy shtetasve, ndodhur mbrëmjen e djeshme. Në lidhje me ngjarjen e ndodhur mbrëmjen e djeshme në lagjen nr. 1 Laç, Kurbin, ku pas një konflikti për motive të dobëta u plagosën me armë zjarri dy shtetas të cilët më pas gjetën vdekjen në një nga spitalet private në Tiranë, Policia ngriti një grup të posaçëm hetimor nën drejtimin e Prokurorisë së Rrethit Gjyqësor Kurbin për zbardhjen e kësaj ngjarjeje.

Menjëherë sa është marrë njoftimi, në vendngjarje kanë shkuar shërbimet e Policisë së Kurbinit si dhe grupi hetimor. Në vijim janë ngritur pika kontrolli në të gjitha rrugët që lidhen me qytetin e Laçit si dhe disa pika kontrolli në akset kryesore rrugore, Milot -Lezhë, Milot -Kurbin -Tiranë.

Me mbështetjen e FNSH, janë kryer një sërë kontrollesh në banesa e vende të dyshimta ku mund të ishin fshehur autorët, si dhe janë shoqëruar në Komisariatin e Policisë, 23 persona të cilët u pyetën në lidhje me ngjarjen.

Nga tërësia e veprimeve hetimore të kryera nga grupi i posaçëm hetimor, rezultoi se ngjarja ka ndodhur për motive të dobëta, pas një konflikti të çastit, dhe se autorët e dyshuar të vrasjes janë shtetasit: M. B., 25 vjeç, M. B., 23 vjeç dhe V. B., 28 vjeç, të tre lindur e banues në Kurbin.

Policia e Kurbinit vijon kontrollet intensive për gjetjen dhe kapjen e autorëve të dyshuar. Materialet iu referuan Prokurorisë pranë Gjykatës së Shkallës së Pare Kurbin, për veprime te mëtejshme hetimore, për veprat penale ?Vrasja në rrethana të tjera të cilësuara, në bashkëpunim” dhe ?Mbajtja pa leje e armëve dhe municioneve luftarake?, parashikuar nga nenet 79/dh, 25 dhe 278/1 të Kodit Penal.