web counter
LEXO PA REKLAMA!

SHKARKO APP

App Store
Google Play

E fundit!

x

Topollaj iu përgjigjet kritikëve/ Bindja Demokratike do t’ju surprizojë

29 Prill 2019, 08:07, Aktualitet CNA

Anëtari i bordit drejtues të forcës së re politike, Bindja Demokratike, Fabian Topollaj ka deklaruar se kjo parti e re do të luftojë për një sistem demokratik në Shqipëri.

I ftuar në A2 CNN, Topollaj tha se ?Bindja Demokratike është për një sistem më demokratik, ku pushtetin e kanë qytetarët dhe jo kryetarët e partive politike.?.

Gjithashtu Topollaj i është përgjigjur edhe kritikave, për respektimin e afateve ligjore dhe kushtetuese.

?Bindja Demokratike i ka kapur të gjitha afatet, është regjistruar në KQZ brenda afateve dhe ka marrë vendimin e Gjykatës së Shkallës së Parë  siç e kërkon Kodi Zgjedhor. Nëse ka një rast që një parti politike është regjistruar brenda afateve, kjo është Bindja Demokratike?-tha Topollaj.

Me tej Topollaj u shpreh se ndryshimi i sistemit zgjedhor do të vijë si domosdoshmëri.

I pyetur se si do të ndikojë në ndryshimin e sistemit zgjedhor Bindja Demokratike, Topollaj tha se ?Ne kemi deputetë në Kuvend. Jemi parti parlamentare, kemi më shumë se një deputet në parlament, por ndryshimet nuk do vijnë nga numri i deputetëve. Kuvendi ka pasur edhe 140 deputetë dhe nuk kanë dashur ta ndryshojnë sistemin zgjedhor. Ne nuk mendojmë se me një lule vjen pranvera, ndryshimi do vijë si domosdoshmëri për shqiptarët?.

Topollaj tha se ?Bindja Demokratike do të garojë në zgjedhjet e 30 qershorit me kandidatë për kryebashkiakë dhe këshillat bashkiakë. Kjo është gara jonë e parë, dhe synimi ynë është përfaqësimi dinjitoz dhe ndryshimi rrënësor i sisitemit. Do të kemi rezultat surprizues për të gjithë ata që na kanë paragjykuar?./CNA.al





Lajmet e fundit nga