web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i fortë i Ngjelës/ Procesi i Arbërisë së Re sapo ka nisur

29 Prill 2019, 07:06, Aktualitet CNA

Avokati i njohur Spartak Ngjela vijon të deklarojë se ?Shqipëria e madhe? po krijohet, ndërsa thekson se ky proçes mbështetet nga SHBA dhe NATO.

Në një postim në rrjetet sociale, Ngjela shkruan se ?Shqipëria e madhe”, ka alarmuar Moskën dhe Beogradin, por sipas tij nuk mund të bëjnë asgjë kundër këtij proçesi.

?Ministri i Mbrojtjes Serbisë, Vulin, i drejtohet Moskës me alarm:
“Po krijohet Shqipëria e madhe”, i thotë ai.

Historia nuk njeh padrejtësi më të madhe se krijimi i Serbisë së Madhe mbi tokat shqiptare.
Tani një ministër i Serbisë së Vogël i drejtohet Rusisë duke i thënë indirekt se NATO dhe Shtetet e Bashkuara po i kthejnë Shqipërisë territoret e pushtuara nga Rusia.

Pse janë të shqetësuar serbët, dhe, a mundet dot Rusia ta kthejë mbrapsht procesin e nisur në vitin 1999 për çlirimin e Kosovës dhe që po vijon në favor të shqiptarëve?
Asgjë nuk bën dot Rusia, dhe Vulin s’është veçse i dëshpëruari që po kërkon ndihmë nga i pafuqishmi kundër të fuqishmit.?-shkruan Ngjela.

Më tej, avokat Ngjela thekson se ?Koha historike kurrë nuk do të njohë pushtues më të paskrupullt dhe më barbar se pushtuesit serbë kundrejt shqiptarëve autoktonë në territoret e gjera të Arbërisë, të grabitura me anë të forcës.?.

Gjithashtu, avokati paralajmëron se procesi i Arbërisë së Re sapo ka nisur.

?Por Vulin duhet të dijë një gjë: procesi i Arbërisë së Re sapo ka nisur. Më mirë mos e shtyni më tej marrëzinë njëzet vjeçare që iu ka kapluar që nga viti 1999 në lidhje me pavarësinë e Kosovës.?-përfunon Ngjela postimin e tij./ CNA.al





Lajmet e fundit nga