E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Surprizon Bindja Demokratike/ Njihuni me kërkesën që ka për KQZ

27 Prill 2019, 17:06, Aktualitet CNA

Partia më e re në skenën politike Bindja Demokratike e themeluar nga Astrit Patozi, ka vendosur të marrë pjesë në zgjedhjet lokale të 30 Qershorit, kërkesa për pjesëmarrje mori edhe konfirmimin e KQZ.

Futja në zgjedhje e BD-së mesa duket nuk i ka pëlqyer Partisë Demokratike e cila e ka quajtur si të jashtligjshëm regjistrimin e saj në KQZ.

Në lidhje me deklaratat që bëhen nga selia blu, CNA.al ka arritur të sigurojë përgjigjen e Bindjes Demokratike rreth qëndrimit të PD-së.

Në qëndrimin e BD-së thuhet se kjo parti do t?i bëjë një kërkesë KQZ-së për shtyrjen e afatit të zgjedhjeve që të hyjë edhe PD-ja, meqë ditët e fundit vetëm e ka sulmuar partinë e sapolindur të Astrit Patozit.

Deklarata e plotë:

Do t’i kërkojmë KQZ-së të shtyjë afatin që të hyjë në zgjedhje edhe PD-ja

Sot pamë se më të mërziturit që ne u regjistruam për të garuar në zgjedhjet e 30 qershorit nuk ishin konkurrentët e tjerë, por ata që kanë vendosur vetë të mos hyjnë.

Kanë 10 ditë që në PD nuk merrem me asnjë punë tjetër, përpos përpjekjeve për të akuzuar dhe mos lejuar BINDJEN DEMOKRATIKE që të marrë pjesë në zgjedhje.

E kanë marrë me aq pikëllim sa janë gati që të bëjnë çfarë t’u thotë qeveria, vetëm që ne të mos regjistrohemi.

Por ky është një hall që nuk ua zgjidhim dot, sepse ne e kemi marrë tashmë vendimin, gjykata dhe KQZ, po ashtu e kanë thënë fjalën e tyre. Sepse BINDJA DEMOKRATIKE është partia më e re shqiptare e regjistruar në përputhje me ligjin për të konkurruar në zgjedhjet e 30 qershorit.

Sa për ne, jemi të gatshëm që t’i drejtohemi KQZ-së që ta shtyjë afatin e regjistrimit të partive që t’u japin një mundësi tjetër këtyre të mërziturve se mbase ndërrojnë mëndje dhe futen edhe ata në zgjedhje. Ne na intereson që në garë të konkurrojnë të gjitha partitë, duke përfshirë edhe ata, ndërsa ata me sa duket kanë vetëm hallin që të mos jemi ne./CNA.al