web counter
LEXO PA REKLAMA!

SHKARKO APP

App Store
Google Play

E fundit!

x

"Bindja Demokratike", regjistrohet në KQZ/ Ivi Kaso: Është e paligjshme

27 Prill 2019, 13:26, Aktualitet CNA

Sekretari për Zgjedhjet në Partinë Demokratike, Ivi Kaso, ka komentuar vendimin e KQZ, për të regjistruar për zgjedhjet vendore të 30 Qershorit, partinë “Bindja Demokratike”.

Sipas Kaso, arsyeja pse Edi Rama vendosi që të uzurponte KQZ, duke emëruar në kundërshtim me ligjin 4 anëtarë nga PS, është që, sa herë ka zgjedhje, të shpikë rregullat e lojës sipas qejfit.

“Sot vendosi të rregjistrojë Bindjen si opozitë fasadë, si patericën e tij në zgjedhje me synimin për të zbehur mungesën e opozitës së vërtetë.

Vendimi i paligjshem dhe politik i shumicës së Ramës në KQZ është një tjetër provë për opozitën se Edi Rama është armik i zgjedhjeve të lira dhe të ndershme.

Sot KQZ ka vendosur të regjistrojë si parti politike në zgjedhje, një subjekt që ligjërisht nuk konsiderohet parti politike, për shkak se vendimi i regjistrimit i shkallës së parë nuk ka marrë formë të prerë. KQZ, ka rrëzuar edhe qëndrimin e vet të mëparshëm për këtë çështje, kur në një rast identik me votim 7 me 0 kishte vendosur mosregjistrimin e subjektit në zgjedhje.

Rama e ka të kotë. Populli ka vendosur që në datën 30 Qershor nuk ka për të patur zgjedhje”, është shprehur Kaso./CNA.al





Lajmet e fundit nga