E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Sistemi mjekësor në kolaps/ Basha prezanton programin e PD për shëndetësinë

27 Prill 2019, 12:35, Aktualitet CNA

Kreu i PD, Lulzim Basha, edhe njëherë është ndalur tek sistemi shëndetësor.
Me anë të një postimi në rrjetet sociale, Basha, ka thënë se sistemi shëndetësor është në kolaps.

“Pasi t’u kthejmë pushtetin qytetarëve dhe ta heqim nga kthetrat e politikanëve të lidhur me krimin që mbajnë pushtetin me vota të blera, do të trajtojmë menjëherë dhe me prioritet problemet emergjente në shëndetësi”, ka shkruar ai.

Sipas të njëjtit me ligjin antimafia PD do të anullojë PPP korruptive në shëndetësi që i vjedhin buxhetit 33 milionë euro çdo vit.
“Çdo qindarkë e marrë në mënyrë korruptive do t’u kthehet qytetarëve”, ka shkruar më tej Basha, ndërsa ka radhitur edhe pikat që janë në programin e PD për shëndetësinë.

Postimi i Bashës:
Programi ynë për shëndetësinë parashikon:
Rritje të financimit të shërbimit shëndetësor, modernizim dhe decentralizim të tij. Pacienti të jetë i lirë të zgjedhë duke iu njohur pagesa e sigurimeve.
Ndërtimin e ambjenteve të reja spitalore dhe qendrave shëndetësore.
Investimi në burimet njerëzore do të jetë PRIORITETI ABSOLUT.
Paga minimale për mjekët do të arrijë në 1200 euro në muaj.
Paga minimale për infermierët do të arrijë në 700 euro në muaj.
Do të rrisim numrin e personelit duke nisur me një rritje të ndjeshme të numrit të studentëve që diplomohen në Mjekësi. Rritje të financimit për të rritur larmishmërinë e specializimeve dhe kualifikimeve dhe garantimin e kushteve të punës.
Do të luftojmë mafian e ilaçeve, të instaluar nga Edi Rama sapo erdhi në pushtet. Qytetarët sot blejnë ilaçe të skaduara apo fallso që nuk kanë asnjë efekt në trajtimin e sëmundjeve.
Ne do të rikthejmë barrierat mbrojtëse të standardeve europiane për sigurinë e ilaçeve dhe do të rrisim listën e medikamenteve të rimbursueshme, duke synuar arritjen e mesatares europiane prej 2 mijë medikamentesh nga 440 që është sot dhe duke rritur vlerën e rimbursimit që sot është ne masën 50-60% të vlerës.
Ku ka vullnet politik, ka edhe mundësi.
Paratë që shkojnë për korrupsionin, për PPP-të apo zhduken pa lënë gjurmë, plot 1.7 miliardë euro vetëm vitin e kaluar sipas KLSH, do të orientohen drejt sektorëve prioritarë, ku në mënyrë absolute shëndetësia është tek më prioritarët./CNA.al