web counter
LEXO PA REKLAMA!

SHKARKO APP

App Store
Google Play

Grida Duma tregon si mund të bllokohen zgjedhjet

25 Prill 2019, 19:40, Aktualitet CNA

“Të gjithë ata që janë të pandëshkuar ende për vjedhjen e votës duhet të kenë frikë nga ndëshkimet.” Ka qenë fraza hapëse eligjërimit të  ish deputetes së Partisë Demokratike, mandatdjegurës  Grida Duma, lëshuar nga studioja e lajmeve të Ora News.

E qenë prezente në rolin e të intervistuarës së mbrëmjes së sotme, ndërsa ka folur për zgjedhjet e 30 Qershorit dhe bojkotimin e tyre nga opozita, ish deputetja ka thenë se mazhoranca nuk mund të zhvilloj proces zgjedhor pa pjesëmarrjen e opozitës.

Ndërkohë që ka komentuar proceset hetimore të Prokurorisë, Duma ka theksuar se frikë nga burgu duhet të kenë ata që kanë vjedhur zgjedhjet dhe jo ata që do të pengojnë mbajtjen e një farse elektorale në 30 Qershor.

“Ligji duhet respektuar, ai është në frymë përpara se sa të jetë në shkronjë. Që do të thotë, zgjedhje pa opozitën nuk mund të ketë. Karshillëqe të tipit: ne i bëjmë dhe pa ju nuk mund të ndodhin. PD është përfaqësim i thuajse gjysmës së votuesve. Gjithë grupi opozitar sot është më shumë se gjysma e votuesve dhe padyshim këto janë arroganca që çojnë përpara një iluzionant që mendon se përmes kësaj mund të intimidojë ndokënd.Tani që kemi djegur mandatet ta harrojë ndokush që mund të hedhë në ajër stërkala kërcënimesh krejtësisht të pavend”, – ka thenë ish deputetja, ndërkohë që ka dhenë përgjigjen e mëposhtëme per pyetjen: “Si do të bllokohen zgjedhjet në rast se do të zhvillohen me 30 Qershor?”

” Nuk kërkon fantazi të madhe se si bllokohen zgjedhjet. Ashtu siç vidhen, dhe është pranuar normalisht se nuk ka asgjë të keqe që të vjedhësh votën e qytetarit, duhet të jetë mëse e mirëkuptuar që kur nuk ekziston opozita patjetër që qytetarët, të cilët janë të papërfaqësuar, të tregojnë me reaksionin e tyre se nuk mund të bëhen zgjedhje, nuk mund të hyhet te qendra e votimit”./CNA.al





Lajmet e fundit nga