E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

166 mijë euro për kokë/ Studimi zbulon skandalin në financimin e fushatave zgjedhore

25 Prill 2019, 16:42, Aktualitet CNA

Në Tiranë, u publikua sot një studim mbi financimet dhe kostot e fushatave zgjedhore. Sipas tij partitë politike deklarojnë financime deri 1.8 milionë euro, por sondazhet dhe pyetësorët zbulojnë kosto dhe harxhime shumë herë më të larta gjatë fushateve.

Në raportimin e këtij lajmi radioja “Zeri i Amerikës” thotë se kostot e larta të fushatave zgjedhore në Shqipëri ende nuk deklarohen plotësisht, ndërsa studimi më i fundit flet për qindra mijëra euro, që shpenzohen prej burimeve nga më të ndryshmet, shpesh edhe të panjohura.

Fondacioni “Westminster për Demokraci” (WFD) realizoi një studim në Shqipëri në bashkëpunim me Institutin Shqiptar për Sipërmarrjen, sipas të cilit partitë kryesore deklarojnë shpenzime fushate 1.8 milionë euro ose 20-40 euro në ditë fushate.

Sipas studimit, kostoja e zgjedhjes së një deputeti është 166 mijë euro, por një pjesë e madhe të dhënash financiare nuk regjistrohen, vijon raportimin “VOA”, sipad të cilës studimi u bazua mbi pyetësorë me deputetë dhe sondazhe me politkanë dhe biznesmenë, që i kanë hyrë politikës.

Grupi i parë i kandidatëve për deputetë ua paguan fushatën partia. Grupi i dytë janë biznesmenët që parapaguajnë praninë e tyre në politikë, dhe që përbëjnë 25% e parlamentit aktual, ndërsa grupi i tretë janë ata që paguajnë kosto fushate edhe për persona të tjerë.

Vëzhguesit ndërkombëtarë kanë kërkuar që partitë të nxjerrin një kosto mesatare fushate, ndërsa policia ka deklaruar se gjatë fushate organizohen mbi 2600 tubime.

Kjo tregon se shpenzimet e vërteta tejkalohen disa fish deklarimet minimale të partive deri në 1,8 milion euro, përderisa vetëm një kandidat deklaron se ka shpenzuar afro 200 mijë euro.

Studimi është një përpjekje për të zbuluar kostot e fushatave për zgjedhjet e përgjithshme dhe vendore, në prag të një reforme zgjedhore, thotë radioja amerikane në gjuhën shqipe, duke e përfunduar raportimin: Autorët dhanë ndihmesë të ndriçohet një nga pjesët më të errëta dhe më shumë të dyshuara për kapje të shtetit dhe partive nga paratë me burime të panjohura.