web counter
LEXO PA REKLAMA!

SHKARKO APP

App Store
Google Play

E fundit!

x

Armëmbajtje pa leje/ Në pranga 54 vjeçari

25 Prill 2019, 14:26, Aktualitet CNA

Policia e Shkodrës ka vënë në pranga shtetasin me iniciale V.K 54 vjeç, për armëmbajtje pa leje.

Falë bashkëpunimit të qytetarëve policia ka ushtruar kontroll në banesën e 54 vjeçarit ku ka gjetur dhe sekuestruar dy armë zjarri, njëra tip automatik dhe një pistoletë.

Njoftimi i Policisë:

Shkodër

Goditet një tjetër rast i armëmbajtjes pa leje, falë bashkëpunimit me qytetarët.

Sekuestrohen dy armë zjarri

Në pranga poseduesi i tyre

Shërbimet e Komisariatit të Policisë Shkodër në bazë të informacioneve të marra nga qytetarët se një shtetas dispononte armë zjarri në banesë, kanë organizuar punën dhe në bashkëpunim me DVP Shkodër, kanë ushtruar kontroll në banesën e shtetasit V. K., 54 vjeç, banues në lagjen ?10 Korriku? Shkodër.

Si rezultat i kontrollit, Policia gjeti dhe sekuestroi në cilësinë e provës materiale, një armë zjarri Automatike dhe një Pistoletë, me krehër dhe fishekë.

Në përfundim të veprimeve të kryera nga Specialistët për Hetimin e Krimit në Komisariatin e Policisë Shkodër, u bë arrestimi në flagrancë i 54 – vjeçarit, për veprën penale “Prodhimi dhe mbajtja pa leje e armëve luftarake dhe e municionit”. Materialet në ngarkim të këtij shtetasi i kaluan Prokurorisë për veprime të mëtejshme.

Policia e Shkodrës falënderon qytetarët për mbështetjen dhe rritjen e besimit, për të denoncuar çdo rast të paligjshmërisë, duke u garantuar anonimat të plotë dhe reagim profesional dhe në kohë./CNA.al





Lajmet e fundit nga