web counter
LEXO PA REKLAMA!

SHKARKO APP

App Store
Google Play

E fundit!

x

Murrizi zbulon batërdinë në administratë/ Propozon ndryshime ligjore

25 Prill 2019, 10:28, Aktualitet CNA

Deputeti Myslim Murrizi nga foltorja e Kuvendit është shprehur se janë marramendëse shifrat që paguajnë taksapaguesit shqiptarë, si dëmshpërblime për punonjës të administratës, të larguar padrejtësisht nga puna.

Sipas Murrizit, raporti i KLSH-së, ka treguar se 20 milion dollarë nga taksat e qytetarëve janë paguar për vendime gjyqësore për punonjës të larguar nga puna me urdhër të politikës.

?Shifrat e auditit tregojnë se janë marramendëse shuma e taksave të taksapaguesve shqiptarë  për  çështje gjyqësore që fitojnë punonjës të administratës të larguar nga puna me motive poltike të kapos së radhës së institucionit.

Raporti i KLSH-së flet qartë se 20 milion dollarë nga taksat e qytetarëve janë paguar për vendime gjyqësore për punonjës të larguar nga puna me urdhër të politikës vetëm në 2018.

100 milion dollarë është dëmi i batërdisë në administratë, nga ata që kanë qejf të bëjnë qoka?-tha ndër të tjera Murrizi.

Më tej, ai tha se duhet ndryshuar ligji, në mënyrë që dëmin ta paguajë ai që e ka shkaktuar.

?Duhet bërë ndryshimi i ligjit dhe nuk duhet që ?pronari? i institucionit ta përdorë atë si aksioner i vetëm me 100% kuota, sepse është mandatuar aty nga ai pushtet që mbahet me taksat e shqiptarëve. Dëmin duhet ta paguajë ai që ka shkarkuar nga puna në mënyrë të padrejtë punonjësit?-u shpreh Murrizi.

Gjithashtu ai bëri thirrje të ndalohet përdorimi i administratës nga politika, dhe të frenohet ajo që ai e cilësoi si babëzia e drejtuesve të institucioneve./ CNA.al





Lajmet e fundit nga