web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore/ Sot regjistrohet zyrtarisht Bindja Demokratike    

23 Prill 2019, 07:06, Aktualitet CNA

Bindja Demokratike do të jetë forca e re politike në vend, e cila do të drejtohet nga ish-nënkryetari i Partisë Demokratike, Astrit Patozi.

Mësohet se ditën e sotme, e cila është edhe afati i fundit për zgjedhjet vendore të 30 qershorit, kjo forcë e re politike do të regjistrohet në Gjykatë dhe më pas në Komisionin Qendror të Zgjedhjeve.

Fillimisht u lakua emri i Rudina Hajdarit si kryetare e partisë, por vajza e Azem Hajdarit, aktualisht kryetare e grupit demokrat në Kuvendin e Shqipërisë e mohoi një lajm të tillë. Në krye të kësaj force të re politike, do të jetë Astrit Patozi.

Një ditë më parë një grup të larguarish nga PD-ja, me në krye Astrit Patozin, zhvilluan një takim me dyer të mbyllura në një ndërtesë në afërsi të zonës së Liqenit.

Në një prononcim të shkurtër për mediat, pas përfundimit të takimit në fjalë, Astrit Patozi ka zgjedhur të mos japë sqarime, ndërsa theksoi se detajet do të bëhen të ditura ditën e sotme.

?Faleminderit shumë për këtë vëmendje kaq të madhe. Ne nuk kemi asgjë për të fshehur dhe asgjë për të treguar deri më tani. Do i komunikojmë nesër detajet. Më vjen keq që nuk e shuaj dot kuriozitetin tuaj sot ?,-tha dje Patozi./ CNA.al





Lajmet e fundit nga