web counter
LEXO PA REKLAMA!

SHKARKO APP

App Store
Google Play

E fundit!

x

Ndoka nënshkruan marrëveshjen me PD/ Largimi i Ramës, kusht i panegociueshëm

23 Prill 2019, 08:27, Aktualitet CNA

Kreu i PDK, Nard Ndoka ka nënshkruar sot marrëveshjen me kreun e PD-së, për krijimin e koalicionit opozitar.

Në një prononcim për mediat pas nënshkrimit të marrëveshjes, Ndoka ripërsëriti faktin se për opozitën është kusht i panegociueshëm largimi i Ramës.

Gjithashtu ai tha se ky ishte një hap drejt zgjedhjeve të lira dhe të ndershme.

“Sot Rama ndodhet i vetmuar pavarësisht se ka thirrur disa parti që nuk i ka përjashtuar akoma në koalicion. Ndryshe nga e majta e çoroditur, kemi ngritur një ekip në një kohë që Rama po tenton të garojë me një ekip me të cilin dështoi në parlament. I bëj thirrje zotit Rama të kuptojë realitetin e politikë shqiptare, dhe që opozita është garancia e këtij sistemi. Jemi të vendosur të zhvillojmë zgjedhje të lira pa Ramën kryeminsitër, për të hapur një axhendë europiane”, u shpreh Ndoka.

Po ashtu ai tha se Rama duhet ta kuptojë se nuk mund të zhvillojë zgjedhje pa opozitën.

?Rama duhet ta kuptojë se nuk mund të zhvillojë zgjedhje pa opozitën. Sistemi demokratik funksionon me dy palë. Jemi të vendosur në kauzën tonë opozitare, tashmë është kërkesë e unifikuar Largimi i Ramës për ti hapur rrugën një realiteti të ri politik?-tha Nard Ndoka.





Lajmet e fundit nga