web counter
LEXO PA REKLAMA!

SHKARKO APP

App Store
Google Play

E fundit!

x

Koalicioni opozitar/ Zbardhen 10 pikat e marrëveshjes  

23 Prill 2019, 07:41, Aktualitet CNA

Ashtu sikurse ishte paralajmëruar disa ditë më parë, Partia Demokratike ditën e sotme do të nënshkruajë marrëveshjen me partitë aleate, për krijimin e koalicionit opozitar.

Mësohet se një nga pikat e kësaj marrëveshje është kushti i panegociueshëm për zgjedhje të lira e të ndershme pa Edi Ramën kryeministër.

Partitë opozitare jashtë parlamentit ritheksojnë se nuk do të hyjnë në zgjedhje derisa të plotësohen kushtet për zgjedhje të lira e të ndershme.

I pari që ka nënshkruar kolicionin opozitar ka qenë kryetari i PR, Fatmir Mediu i shoqëruar nga anëtarë të partisë së së tij.

Në fjalën e tij pas nënshkrimit të koalicionit, Mediu tha se kjo marrëveshje ka për qëllim të krijojë zgjedhje të lira dhe të ndershme për shqiptarët.

Më poshtë po rendisim 10 pikat e marrëveshjes së koalicionit opozitar:
1. Krijimi i një koalicioni të bashkuar opozitar qytetar për zgjedhjet e ardhshme në vend
2. Partitë nënshkruese të këtij koalicioni do të regjistrohen në zgjedhje vetëm pasi të jenë krijuar kushtet për zgjedhje të lira dhe të ndershme
3. Rruga e vetme për krijimin e zgjedhjeve të lira është një qeveri tranzitore me mandat të posaçëm
4. Partitë e koalicionit opozitar nuk do të lexojnë asnjë farse elektorale
5. Pamundësimi i zgjedhjeve farse të diktuara nga pakti i Ramës me krimin
6 . Rikonfirmojmë vullnetin tone se BE është rruga e vetme për ti dhënë fund tranzicionit
7. Angazhohemi për një marrëveshje për çlirimin e ekonomisë nga oligarkia
8. Angazhohemi për lufte pa kompromis ndaj krimit të organizuar
9. Mbështesim liritë dhe të drejtat themelore të qytetareve të cilët dhunohen nga veprimet arbitrare te institucioneve shtetërore
10. Angazhohemi për çdo individ apo parti te identifikuar si opozitare.





Lajmet e fundit nga