web counter
LEXO PA REKLAMA!

SHKARKO APP

App Store
Google Play

Ish Presidenti gjykon Astrit Patozin dhe Rudina Hajdarin

23 Prill 2019, 20:15, Aktualitet CNA

“Në pluralizëm secili ka të drejtë të bëjë zgjedhjen e tij politike, të organizohet në parti politike, në organizata të ndryshme politike dhe të përcaktojë një qëndrim politik. Kjo është një e drejtë që askujt nuk mund ti mohohet dhe nuk mund të paragjykohet…”,- ka qenë pjesa e parë e përgjigjes që ish presidenti Bujar Nishani ka adresuar lidhur me pyetjen e bërë në studion e lajmeve të Ora News RV , për dhenien e gjykimit rreth Astrit Patozit dhe inisiativës së tij për themelimin e partisë së re “Bindja Demokratike”.

Në vijim ish Presidenti e plotëson përgjigjen me frazat:”Gjithësekush ka të drejtë të bëjë akuza dhe kundërakuza. Medalja ka dy anë”,- ndërkohë që fut në gjykimin e tij edhe deputeten Rudina Hajdari, e anatemuar për thyerjen e urdhërit të Lulzim Bashës në mosdjegien e mandatit.

“Ana tjetër e medaljes është konteksti real, politika e sotme. Kemi një përballje të madhe mes popullit opozitar, opozitës dhe regjimit aktual që ka të bëjë me shumë problematika por fondamentale është procesi i lirë dhe i drejtë zgjedhor. Nëse një parti bën opozitën e opozitës apo fasadën e Edi Ramës për të justifikuar një farsë elektorale automatikisht gjykimi i shkon në kundërshtim të plotë me vullnetin e shumicës dërmuese të qytetarëve shqiptarë dhe atë çka opozita ka luftuar dhe vazhdon betejën me këtë regjim. Nëse je opozitë e opozitës dhe nëse bëhesh fasadë e një regjimi për të justifikuar farsën elektorale ke dëmtuar interesin publik”, – ka aluduar Nishani, duke mos e përmendur drejtëpërdrejtë Astrit Patozin. Dhe më pas ka dresuar këtë përgjigje për veprimin e deputetes Hajdari:

“Nuk gjykoj zgjedhjen dhe pozicionimin politik të askujt.Secili përfshirë dhe zonjën Hajdari ka të drejtë të marrë pozicionin e tij politik. Ata që gjykojnë pastaj pozicionet politike, sjelljet politike, janë qytetarët shqiptarë”./CNA.al





Lajmet e fundit nga