web counter
LEXO PA REKLAMA!

SHKARKO APP

App Store
Google Play

E fundit!

x

"Libra"regjistrohet në KQZ/ Ben Blushi sqaron pjesëmarrjen në zgjedhje

23 Prill 2019, 17:21, Aktualitet CNA

Partia ?LIBRA?, e themeluar dhe drejtuar nga Ben Blushi, është regjistruar ditën e sotme në Komisionin Qendror të Zgjedhjeve, si subjekt garues në zgjedhjet e priteshme vendore të 30 Qershorit.

Ndonëse ish kryetari themelues i këtij subjekti ka kohë që është dorëhequr nga drejtimi, madje dhe nga partia, habitshëm KQZ e ka regjistruar LIBRA-n, që do të garojë në zgjedhjet e 30 qershorit, me kryetar Ben Blushin.

I prononcuar lidhur me këtë akt për ?Panorama? Blushi ka thenë se edhe ai është habitur nga regjistrimi i LIBRA-s me emrin e tij, duke konfirmuar se nuk ka ndërmend të garojë në zgjedhjet e ardhshme vendore dhe se këtë ia ka komunikuar zyrtarisht edhe KQZ-së.

?Gati 1 vit pasi u largova nga politika sot u binda për të disatën herë që kam marrë vendimin e duhur kur dëgjova se KQZ me ka regjistruar në zgjedhje si kryetar i LIBRA, partisë që kam drejtuar deri në janar te vitit 2018. Meqë ky lajm me ka habitur si mua ashtu dhe ata që e kanë përhapur dua ti siguroj të gjithë se unë nuk kandidoj dhe nuk drejtoj asnjë parti në zgjedhjet e ardhshme lokale. Ndërkohe kam komunikuar zyrtarisht me KQZ për ti kërkuar të më çregjistrojë nga fleta e votimit. Shpresoj të më lehtësojnë nga sikleti për të kandiduar me pahir?, -ka shpjeguar Ben Blushi./CNA.al





Lajmet e fundit nga