web counter
LEXO PA REKLAMA!

SHKARKO APP

App Store
Google Play

"VetëVendosja" regjistrohet në Tiranë/ Do marrë pjesë në zgjedhjet e 30 Qershorit

23 Prill 2019, 19:26, Aktualitet CNA

Pais javë më parë paralajmëroi shtrirjen e veprimtarisë edhe në Shqipëri, subjekti politik kosovar Lëvizja VetëVendosje(VV) e ka konretizuar atë ditën e sotme, kur është regjistruar zyrtarisht si organizatë jo fitimprurëse nga Gjykata e Tiranës. Lëvizja deklaron se do të angazhohet për aspiratën shekullore të shqiptarëve për bashkim kombëtar.

Pak ditë më parë, shefi i grupit parlamentar të Lëvizjes Vetëvendosje, Glauk Konjufca, që bën pjesë edhe në degën e Tiranës, tha se nuk përjashtohet mundësia që Vetëvendosje të marrë pjesë në zgjedhje në Shqipëri./CNA.al

Njoftimi i VV:

?Ne e vlerësojmë këtë vendim të marrë bazuar mbi ligjet dhe shtetin e së drejtës. Ky akt është vazhdimësi e aktivitetit tonë disa vjeçar në Republikën e Shqipërisë, por tashmë në një formë të re. Në qëllim dhe motiv, në parim dhe veprim, përmes këtij themelimi ne do të angazhohemi për aspiratën shekullore të shqiptarëve për bashkim kombëtar, ashtu siç shprehet edhe në Preambulën e Kushtetutës së Republikës së Shqipërisë, bashkë me përpjekjen për një shtet zhvillimor që lufton pabarazitë e mëdha ekonomike qe janë krijuar. Frymëzimi ynë rrjedh edhe nga përfytyrimi i të ardhmes për vendin tonë, si vend që ia mundëson grupeve e shtresave të ndryshme shoqërore dhe individëve shpërthimin e potencialeve të tyre, duke zhvilluar e mbrojtur ekonominë e përbashkët dhe atë individuale me drejtësi, demokraci, transparencë dhe përgjegjësi në vendimmarrje. Përmes kësaj forme të organizimit synojmë të bashkëpunojmë me sa më shumë aktorë të shoqërisë civile, akademikë, qytetarë aktivë dhe ekspertë të fushave të ndryshme anembanë Republikës, të gjithë trojeve si dhe në mërgatë. Qendra e Lëvizjes VETËVENDOSJE! në Shqipëri do të organizojë inaugurimin në Tiranë për të shënuar fillimin e këtij organizmi të ri, në mes të muajit maj?





Lajmet e fundit nga