web counter
LEXO PA REKLAMA!

SHKARKO APP

App Store
Google Play

Denoncimi i Berishës/ Reagon Policia e Elbasanit

17 Prill 2019, 13:47, Aktualitet CNA

Policia e Elbasanit ka reaguar në lidhje me denoncimin e publikuar nga ish kryeministri Sali Berisha në rrjetet sociale për një ngjarje të ndodhur në një shkollë në qytetin e Elbasanit.

Në denoncimin e Berishës thuhej se një person i armatosur është futur në shkollën “Ali Agjah” duke terrorizuar nxënësit dhe sipas Berishës policia e fshehu këtë ngjarje.

Sipas Policisë, reagimi i tyre ka qenë i menjëhershëm dhe nga pamjet filmike nuk rezulton që personi në fjalë të ketë pasur sende të jashtligjshme siç thuhet në denoncimin e Berishës.

Njoftimi i Policisë:

Në lidhje me statusin e pubikuar në rrjetin social facebook nga ish-deputeti Berisha, se në shkollën “Ali Agjah”, Elbasan, një person i armatosur dhe në gjendje të dehur hyri në ambientet e kësaj shkolle dhe terrorizoi nxënësit, e Policia e fshehu ngjarjen, sqarojmë se:

Më datë 12.04.2019, rreth orës 10:50, tek shkolla ?Ali Agjah? Elbasan, Policia u njoftua nga drejtuesit e shkolles se në oborr hyri një person i panjohur. Menjëherë pas marrjes së njoftimit, shërbime policore shkuan dhe morën takim me drejtuesit e shkollës dhe mësuesin, i cili kishte kontaktuar me personin që kishte hyrë në ambientet e shkollës.

Drejtuesit e shkollës sqaruan se rreth orës 10:50, mësuesi i përgatitjes fizike konstatoi në oborrin e shkollës një person rreth 50 vjeç, të cilit iu kërkua të dilte dhe pas kësaj ai doli jashtë ambieteve të shkollës.

Policia ka marrë pamjet filmike të shkollës, e nga kqyrja nuk është konstatuar që personi të ketë kryer veprime të pahijshme apo të kundraligjshme ndaj mësuesve apo fëmijeve të shkollës, apo te kishte në duar sende të kundraligjshme./CNA.al

Denoncim-Terrorizohen nxënësit në Elbasan/ Policia fsheh skandalin





Lajmet e fundit nga