Nuk rikthehen vizat për Shqipërinë

17 Prill 2019, 10:21, Aktualitet CNA

Në nëntor të vitit 2010, Këshilli i Ministrave të Bashkimit Europian vendosi heqjen e vizave Schengen, për qytetarët shqiptarë .

Pra, qytetarët shqiptarë, mbajtës të një pasaporte biometrike kanë të drejtë të qarkullojnë lirisht në hapësirën Schengen, për një periudhe kohe të plotë jo më shumë se 90 ditë në një gjashtëmujor, duke hyre e duke dalë nga territori Schengen pa kufizime.

Por, ndërkohë ditën e djeshme, Parlamenti i Holandës votoi pro propozimit për heqjen e vizave me Shqipërinë, sipas tyre për shkak të kriminalitetit të shtuar shqiptar në këtë vend.

Ky votim i hap rrugën qeverisë së Holandës për t?ju drejtuar Brukselit, por fjalën e fundit për këtë kërkesë në rikthimin e vizave e ka Bashkimi Europian.

Pra, praktikisht për shqiptarët asgjë nuk ka ndryshuar. Qytetarët Shqiptarë do të vijojnë të urdhëtojnë të lirë, në vendet e Schengen.

Shqipëria është anëtare e Shëngen. Në vendet e BE-së shqiptarët lëvizin lirshëm, pasi janë hequr barrierat e kontrolleve, pavarësisht se ka disa vende që janë përjashtuar.

Shqipëria bëri disa reforma, mes të cilave më e rëndësishmja ishte Regjistri Kombëtar i gjendjes civile së bashku me pasaportat e reja biometrike apo edhe reformat e tjera që u kërkuan gati 10 vite më parë.

Atëherë marrëveshja me Schengen u ratifikua me të gjitha parlamentet, edhe në Parlamentin Europian.

Fakti se një deputete nacionaliste hollandeze për shkak të situatës politike në atë vend apo mentalitet politik e ka shfrytëzuar dhe përdorur Shqipërinë për politikë në vendin e saj, nuk do të thotë se vizat janë rikthyer.

Parlamenti Holandez nuk ia ka rikthyer Shqipërisë regjimin e vizave, pasi ky është një vendim që merret në Parlamentin Europian.

As vetë Greqia, apo vetë Italia apo vetë Franca nuk ia rikthen dot Shqipërisë regjimin e vizave, i vetmi që mund ta bëjë këtë është Parlamenti Europian.

Shpresojmë dhe urojmë të mos ketë një lajthitje të zyrtarëve europianë për të rikthyer vizat për shqiptarët, pavarësisht luftës politike në Shqipëri.

Lëvizja e lirë e shqiptarëve vijon dhe akte të tilla politike nuk duhen shfrytëzuar për të bërë gogolin.

Gjithkush mund të udhëtojë dhe të lëvizë lirshëm, por duke respektuar afatet dhe rregullat e vizës Schengen./CNA.al